PLAN DE CONVIVENCIA
Segundo o decreto 8/2015, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar.
Indice
1. INTRODUCIÓN 2. OBXECTIVOS
3. NORMAS: DEREITOS, DEBERES, FALTAS E AS SÚAS SANCIÓNS 4. MECANISMOS DE COORDINACIÓN E COMUNICACIÓN INTERNA
5. PROCESOS DE SEGUIMENTO, AVALIACIÓN E DIFUSIÓN DO PLAN DE CONVIVENCIA 6. ACOSO ESCOLAR
7. PARTE DE FALTAS DE CONVIVENCIA 8. ACTIVIDADES
9. ANEXOS RELATIVO Á COMUNICACIÓNS EN SITUACIÓNS DE ACOSO ESCOLAR
INTRODUCIÓN
a. Análise da situación partindo dun diagnóstico previo da convivencia no centro.
O plan de convivencia do centro é o documento no que se articula a convivencia escolar, que garante unha educación no exercicio dos dereitos e das liberdades dentro dos principios democráticos de convivencia, así como na prevención de conflitos e a súa resolución pacífica.
A partir da Lei orgánica 2/2006, de educación (LOE), tamén segundo a redacción dada pola Lei orgánica 8/2013, do 9 de decembro, para a mellora da calidade educativa, “ocupa un lugar relevante, na relación dos principios da educación, a transmisión daqueles valores que favorezan a liberdade persoal, a responsabilidade, a cidadanía democrática, a solidariedade, a tolerancia, a igualdade, o respecto e a xustiza”. A normativa actual da Comunidade Autónoma de Galicia referida á convivencia escolar, é o Decreto 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar.
Este plan de convivencia integrará o principio de igualdade entre mulleres e homes e establecerá, sobre a base dun diagnóstico previo, as necesidades, obxectivos, directrices básicas de convivencia e actuacións, incluíndo a mediación na xestión dos conflitos, e conterá actuacións preventivas, reeducadoras e correctoras.
Tradicionalmente o alumnado dos conservatorios acude aos mesmos para cursar uns estudos con un marcado carácter vocacional. Probablemente, por este motivo non é habitual que sexamos testemuñas de conflitos ou problemas na conduta dos alumnos/as que prexudiquen a convivencia. As transformacións sufridas pola sociedade nos últimos tempos van parellas á conseguinte alteración no perfil do alumnado, producíndose situacións ás que non estábamos habituados. Con este documento pretendese proporcionar o ambiente de convivencia básico para unha óptima formación do noso alumnado, ademais de establecerse como orientación para actuar nos casos que perturben a mesma.
O punto de partida será sempre a análise da situación do momento e das necesidades do centro, e para a devandita avaliación recollerase información dos distintos puntos de vista da comunidade educativa, para o cal se empregará:
- Análise dos distintos documentos nos que se notifiquen ou comenten situacións relacionadas con este particular, (actas de Claustro, de Consello Escolar ou CCP, comunicacións persoais do profesorado, alumnado ou calquera outro membro da comunidade escolar).
-Actividades informativas, programadas igualmente para todos os membros da comunidade escolar.
Correspóndelle á Comisión de Convivencia Escolar a análise e a valoración da información obtida, para a supervisión e mantemento do Plan de Convivencia.
A comisión de convivencia estará composta polo directora do centro que actuará de presidente, a xefa de estudos que actuará como secretaria, e un profesor, un pai e un alumno elixido polos seus membros no seo do Consello Escolar. Manterán tres reunións anuais de carácter ordinario, unha por trimestre, e con carácter extraordinario cantas veces sexa convocada pola súa presidencia, por iniciativa propia ou por proposta de, polo menos, unha terceira parte dos seus membros.
Nos instrumentos de avaliación contemplaranse ítems sobre as necesidades, pero tamén posibles causas, implicacións na vida escolar e alternativas para mellorar a convivencia no centro e no seu entorno.
2. OBXECTIVOS
b. Os obxectivos específicos do plan de convivencia derivados da análise previa.
B.1 Obxectivos relativos á regulación da convivencia no CentroO plan de convivencia do noso centro ten como obxecto promover e desenvolver actuacións relativas ao fomento da convivencia; co que pretendemos desenvolver axeitadamente as relacións entre todos os compoñentes da nosa comunidade educativa e desexamos favorecer a resolución pacífica e educativa dos conflitos que se presenten.
Así mesmo, priorizamos aquelas actuacións preventivas destinadas ao coñecemento previo dos dereitos e deberes do todos os membros da comunidade educativa e das normas necesarias para unha convivencia pacífica e respectuosa. Para o que empregamos o plan de acción titorial, os boletíns informativos para as familias, entre outras accións para a súa divulgación e interiorización.
Estes principios básicos concrétanse en que o alumnado aprenda e practique o comportamento que se espera del, que se desenvolva como cidadán libre, responsable e solidario ao fin da súa escolarización. Neste sentido, preténdese que os alumnos e alumnas:
Aprendan valores e comportamentos pro-sociais dende o currículo e as relacións de ensino e aprendizaxe.
Practiquen condutas solidarias con outros, cooperen e colaboren cos compañeiros e compañeiras e outros membros da comunidade escolar.
Teñan a oportunidade de participar de modo responsable na vida do Centro.
Acaden a resolución educativa dos conflitos e a intervención eficaz nos problemas de convivencia escolar.
En definitiva, trátase de axudar a “levarnos ben” resolvendo os nosos conflitos dun xeito formativo, nun entorno seguro de relación.
B.2 Obxectivos referidos á prevención de conflitos
Acadar a implicación de todos os membros da comunidade escolar no proceso de discusión, fixación, difusión e apropiación de normas de convivencia.
Ter sempre actualizada a información sobre o alumnado que permita prever, detectar e anticiparse a posibles problemas de convivencia.
Propiciar un clima de relacións que permita vivir e interiorizar os valores que propician unha boa convivencia.
Fomentar a aprendizaxe e a práctica de comportamentos cívicos, habilidades sociais, educación en valores, educación emocional, etc.
Priorizar a resolución dos conflitos de xeito formativo mediante a negociación e o esforzo conxunto do profesorado e alumnado.
Actuar ante os conflitos actuais, sempre que sexa posible, de xeito proactivo, é dicir, como un medio positivo e construtivo para a prevención dun conflito futuro.
B.3 Obxectivos referidos a mellorar as condicións de ensino e aprendizaxe
Favorecer a aprendizaxe e a integración escolar de todo o alumnado, xa que entendemos que satisfacendo as necesidades educativas do noso alumnado poderemos desenvolver no mesmo un sentimento de vinculación e pertenza á comunidade escolar que lles permita interiorizar as normas, actitudes e valores do proxecto educativo. Así pois, preténdese acadar un entorno educativo que facilite o “éxito escolar”, e dicir, que propicie que o alumnado aprenda e se sinta integrado no Centro.
B.4 Obxectivos para acadar a participación, implicación e colaboración de toda a Comunidade Educativa Propiciar a participación e a colaboración da comunidade educativa na educación e na construción dun Centro verdadeiramente integrador para todos. Trátase de que:
O Centro resulte educativo para todas e todos e as súas prácticas sirvan de referencia para as prácticas sociais e individuais.
A comunidade educativa colabore no mantemento e desenvolvemento destas prácticas. B.5 Obxectivos relacionados coa intervención ante problemas graves de convivencia e acoso escolar
Articular procedementos e protocolos de actuación específicos ante problemas graves de convivencia que vulneren os dereitos dos membros da comunidade.
3. NORMAS: DEREITOS, DEBERES, FALTAS E AS SÚAS SANCIÓNS
e. Normas de convivencia do centro, dereitos e deberes dos diferentes membros da comunidade educativa. Protocolo que contribúa á detección ou ao incumprimento destas.
Dereitos e deberes xerais dos profesores, dos alumnos , dos pais e do persoal administrativo e subalterno
Neste apartado propoñémonos establecer un conxunto de dereitos e deberes específicos de tódolos membros da comunidade educativa: profesores, alumnos, pais e persoal administrativo e subalterno.
Concreción dos dereitos e deberes do alumnado Dereitos
Recibir unha formación que asegure o pleno desenvolvemento da súa personalidade intelectual, afectiva, social, moral e física.
Recibir unha ensinanza de calidade e exenta de todo tipo de adoctrinamento que, á súa vez, fomente a súa capacidade e actitude crítica.
Participar no funcionamento e na vida do centro.
Adquirir unha formación para a paz, a cooperación e a solidariedade entre os pobos.
Ser avaliados obxectivamente e solicitar aclaracións sobre o seu rendemento escolar.
Recibir unha orientación escolar e profesional.
Deberes
Estudar e respectar o dereito ó estudio dos seus compañeiros e compañeiras.
Asistir puntualmente a clase e participar nas actividades programadas.
Seguir as orientacións dos seus profesores respecto á súa aprendizaxe e formación.
Cumprir as normas de convivencia aprobadas neste regulamento.
Respectar as instalacións e mobiliario do centro e repoñelo no caso dun uso incorrecto.
Manter as mesmas condutas e actitudes esixidas no centro cando se realizan visitas, excursións ou calquera outra actividade organizada fóra do centro.
Participar na creación dun clima no centro que fomente o estudio, o traballo, a curiosidade, a creatividade, a participación, o espírito crítico e construtivo, o respecto e o compañeirismo.
Colaborar na consecución duns hábitos hixiénicos e saudables, e non participar en xogos de mesa. Segundo a lei 28/2005 do 26 de decembro, prohíbese fumar no centro, así como tampouco estará permitida a inxestión de bebidas alcohólicas.
Só se permitirá comer no espazo habilitado para tal efecto na planta baixa, onde se ubican as máquinas expendedoras de bebidas e alimentos.
Prohíbese o uso de teléfonos móbiles e outros dispositivos electrónicos como mecanismo de comunicación durante os períodos lectivos. Excepcionalmente, poderán usarse como ferramenta pedagóxica, sempre baixo supervisión do profesorado.
Calquera profesor/a poderá requisar o teléfono móbil dun alumno ou alumna que estea usando o mesmo fóra das situacións permitidas ( para fins pedagóxicos ou con permiso da dirección). O teléfono requisado será entregado en conserxería polo profesorado e poderá ser recollido ao final da xornada.
Concreción dos dereitos e funcións do profesorado Dereitos
Liberdade de cátedra.
Colaborar co seu departamento no deseño da súa área ou materia.
Elaborar as programacións de aula.
Participar nos órganos do centro e nas actividades escolares e extraescolares.
Recibir unha formación permanente.
Dispoñer dos medios axeitados para realizar as súas actividades.
Funcións
Respectar e actuar de acordo co establecido no Proxecto Educativo do Centro.
Educar ao alumnado atendendo, especialmente, ós principios educativos e ós obxectivos aprobados polo centro, e impartir unha ensinanza de calidade.
Estimular a autoestima e o crecemento persoal do alumnado, educando dende e para o respecto e a tolerancia, fomentando estes principios como valores fundamentais das persoas.
Fomentar a capacidade e a actitude crítica dos seus alumnos e impartir unha ensinanza exenta de toda manipulación ideolóxica e propagandística.
Asistir ás reunións de avaliación, claustro, departamento e calquera outras convocadas pola dirección.
Realizar as actividades complementarias: gardas, titorías, visitas e reunións cos pais, etc.
Controlar a asistencia dos alumnos e comunicalas a quen corresponda (os profesores ao titor e o titor ao Xefe de Estudos).
Recibir e informar ao alumnado e aos seus pais ou titores sobre o seu rendemento escolar.
Garantir que todo o alumnado estea sempre baixo a supervisión dun profesor, polo que sempre haberá profesorado encargado das funcións de garda.
Concreción dos dereitos e deberes dos pais, nais e titores legais
Dereitos
Colaborar, como primeiros educadores, na educación integral dos seus fillos.
Ser informados de todo o referente á ensinanza e formación dos seus fillos, especialmente das faltas de asistencia e dos resultados das avaliacións realizadas.
Solicitar aclaracións e posibles rectificacións sobre o rendemento e a avaliación do seu fillo.
Ser recibidos polo titor e os profesores.
Participar no funcionamento do centro a través dos seus representantes no Consello Escolar e formar parte das asociacións existentes no centro.
Deberes
Participar activamente na consecución dos fins e obxectivos propostos polo centro.
Acudir ó centro cando sexa requirido pola dirección, o titor, o orientador ou os profesores dos seus fillos.
Colaborar, principalmente co titor, na mellora da formación e do rendemento do seu fillo.
Xustificar as faltas de asistencia dos seus fillos e fillas
Asistir ás reunións colectivas convocadas pola dirección ou o titor.
Acudir ás reunións da ANPA.
Dereitos e deberes do persoal de administración e servizo xerais Dereitos
Realizar o seu traballo nas mellores condicións posibles e cos medios máis axeitados.
Ser escoitados pola Dirección e o Consello Escolar cando se propoñan suxestións encamiñadas a un mellor funcionamento do centro.
Participar na vida do centro a través do seu representante no Consello Escolar. Deberes
Colaborar na consecución dos fins e obxectivos propostos polo centro.
Cooperar coa dirección e co profesorado nas tarefas educativas.
Atender ás persoas que requiran a súa información e axuda.
persoal subalterno velará polo bo uso e coidado das instalacións e mobiliario e comunicarán á Secretaria dos danos ocasionados e as súas responsabilidades.
f. Establecemento das condutas contrarias á convivencia e das correccións que correspondan ao seu incumprimento que, de ser o caso, se aplicarán, de conformidade co establecido no Decreto 8/2015 do 30 de xaneiro en desenvolvemento da Lei 4/2011 e demais normativa que sexa de aplicación. G.1 Faltas leves
Constitúen faltas leves aquelas condutas que perturban levemente as normas de convivencia. No caso de faltas leves, as correccións deberán ir precedidas dunha chamada de atención: -Empregar cámaras e móbiles no recinto sen permiso da dirección do centro.
-Chegar tarde ás clases.
-Deterioro non grave das dependencias do centro, do seu material ou dos obxectos e pertenzas da Comunidade Educativa causado intencionadamente.
Enténdese por deterioro non grave o que non impide o normal uso do obxecto deteriorado. Será competente para corrixir ao alumno, neste caso, o profesor que haxa observado a súa conduta e/ou o titor. Amoestación verbal e comunicación do feito ao equipo directivo, quen, oído ó alumno ao , poderá impoñer
unha corrección consistente en reparar o dano ou a substitución por outro novo, no seu caso, ou correr cos gastos que se deriven do seu arranxo.
-Permanecer de xeito inxustificado nos corredores diferentes a onde estea situada a súa aula.
O profesor da garda e calquera profesor serán competentes para corrixir esta conduta mediante amoestación verbal. Neste caso de reiteración, comparecencia inmediata ante o xefe de estudos, quen oído ao alumno, considerará a corrección a establecer.
-Tirar obxectos ao chan en calquera dependencia do centro.
Será competente para corrixir esta conduta calquera profesor que se decate da mesma, e amoestarao verbalmente e mandándolle recoller os obxectos tirados. En caso de reincidencia este comportamento poñerase en coñecemento do titor, quen, oído ao alumno, poderá corrixirlle amoestándoo por escrito ou mandándolle que recolle os obxectos tirados en unha determinada dependencia do centro.
-Pintar, escribir ou ensuciar levemente as paredes e o mobiliario do centro, sen que aparezan expresións groseiras ou irrespectuosas. Calquera profesor que contemplase este conduta será o encargado do corrixila amoestándolle verbalmente e obrigándolle a que limpe a parede ou o mobiliario ensuciado. En caso de reincidencia deberá poñer en coñecemento ao titor desta circunstancia.
-Empregar aparatos gravadores e reprodutores, teléfonos móbiles, alarmas sonoras de reloxos e outros que perturben o curso normal das clases.
O profesor que observe estas condutas corrixirá, amoestará verbalmente en primeira instancia e advertirá de que en caso de reincidencia se lle amoestará por escrito e/ou se lle incautará o aparello ata que os seus pais veñan recollelo. O uso de cámaras ou móbiles para a captación de imaxes no recinto escolar, sen autorización dos implicados e mailo profesorado.
Calquera profesor/a poderá requisar o teléfono móbil dun alumno ou alumna que estea usando o mesmo fóra das situacións permitidas ( para fins pedagóxicos ou con permiso da dirección). O teléfono requisado será entregado en conserxería polo profesorado e poderá ser recollido ao final da xornada.
-Comer e mascar gomas de mascar na clase.
O profesor que nese momento imparta a clase deberá corrixir ao alumno, amoestará verbalmente e pedíndolle que desistas do seu comportamento. No caso de manter esta conduta, faralle comparecer ante o xefe de estudos, quen despois de oír ao alumno, advertiralle de que se repite esta acción,poderá ser amoestado por escrito.
-A actitude indiferente de cara as actividades do proceso de ensinanza, aprendizaxe mantida durante máis de dúas clases duna materia.
O profesor desta materia amoestará verbalmente ao alumno en cada ocasión, poderá mandarlle realizar traballos relacionados coa materia e, ao terceiro día de observar a mesma actitude, solicitará ao alumno que comunique os seus pais que se lle fixeron varias amoestacións verbais por ese motivo empregando os instrumentos establecido polo centro, cuxa recepción estes asinarán.
-Ignorar as chamadas de atención do persoal docente e non docente do centro.
Será competente para corrixir esta conduta o propio profesor, unha vez que este recibira a comunicación correspondente. Oído ao alumno, esixiráselle que pida escusas á persoa que lle chamou a atención e se lle comunicará esta situación aos pais. Cando, reiteradamente, o alumno non responda ás chamadas de atención, esta conduta terá a consideración de falta grave.
-Non dispoñer do material necesario para a aprendizaxe tras ser amoestado verbalmente por iso.
Corresponde ao profesor da materia corrixir en primeira instancia ao alumno. O profesor amoestará verbalmente ao alumno e solicitará ao alumno que comunique a os seus pais a dita amoestación empregando os instrumentos establecidos. Os pais asinarán a súa recepción.
-Non gardar as debidas normas de seguridade establecidas na case, empregando o material ou poñer en funcionamento aparellos sen a debida autorización do profesor.
Este será competente para corrixir a conduta observada amoestándolle verbalmente ou por escrito.
-Ofender, insultar ou desacreditar levemente a algún compañeiro.
Será corrixido polo profesor cunha amoestación verbal e/ou a realización de traballos; se reincidira neste comportamento, cunha amoestación escrita.
-Facer comentarios despectivos ou ofensivos respecto ás materias, tarefas ou actividades encomendada que impliquen falta de respecto implícito ou explícito aos profesores e/ou alumnos, ou que o seu descrédito poida serrar nos alumnos desaproveitamento dos mesmos, corrixirase cunha amoestación verbal e/ou a realización de traballos; en caso de reincidencia, cunha amoestación escrita.
G.2 Faltas graves
Constitúen faltas graves aquelas condutas que perturban gravemente as normas de convivencia. Os profesores implicados deberán deixar constancia das mesmas mediante amoestación escrita.
Todas as correccións a aplicar como consecuencia da comisión de faltas graves establecerán unha vez oídos os ao alumno, o seu titor, e, no seu caso, os profesores afectados.
Das faltas graves cometidas e das sancións derivadas da súa comisión para ser corrixidas, haberá de darse conta por escrito aos pais dos alumnos:
-Colgar fotografías realizadas no recinto escolar, sen permiso da dirección, na rede, internet e demáis. -A acumulación de tres faltas leves.
-Os actos de indisciplina, inxuria ou ofensa graves contra membros da comunidade educativa. Inclúense entre estes as inxurias ou ofensas que teñan carácter racista.
-As agresións físicas intencionadas como golpes, patadas, lanzamento de obxectos, empuxóns, de xeito illado aínda que non causen lesións.
-A falta tipificada como leve, se concorren as circunstancias de colectividade e/ou publicidade intencionada, como colgar fotos en Internet.
-Causar, por neglixencia ou por uso indebido, danos graves nos locais, material ou documentos do centro ou nas pertenzas doutros membros da comunidade educativa, que dificulten o uso normal dos mesmos e que a súa reposición ou reparación suporá un gasto. O titor, o xefe de estudos e o director poderán corrixir esta falta cunha realización de tarefas que reparen os danos causados ou coa reposición do pago dos materiais danados.
Tanto o titor como o Xefe de estudos e o director son competentes para corrixir esta falta, privando aos alumnos implicados de participar en determinadas actividades extraescolares ou complementarias, mediante a realización de tarefas ou traballos específicos en horario lectivo.
Trala amoestación do alumnado e a comunicación dos pais, se cómpre establecer unha sanción, será establecida pola dirección oído o Consello Escolar do centro.
No caso de falta moi grave valorarase a expulsión do centro.
G.3 Medidas correctoras ás faltas leves
-Amoestacións verbais: Consistirá en avisos verbais ou en chamadas de atención sobre a conduta constitutiva de falta do alumno, na medida do posible intentarase que sexa privada. No caso de menores de idade, o feito da amoestación verbal será comunicado por escrito aos pais/nais/titores legais.
- Amoestación escrita: O profesor informa por escrito aos pais, ao titor e ao xefe de estudos sobre a falta cometida polo alumno.
-Comparecencia ante o xefe de estudos: Profesor pedirá ao alumno que se presente ante o xefe de estudos e lle comente por que foi enviado alí. No caso de non atoparse dispoñible o xefe de estudos a comparecencia poderá realizarse ante calquera outro membro do equipo directivo. Unha vez realizada a comparecencia, o xefe de estudos, ou outro membro do equipo directivo, acompañarán ao alumno á clase.
-Realización de traballos: Procurarase que este traballos garden relación co tipo de conduta que se desexa corrixir. En xeral, a corrección de traballos empregarase polos profesores como sanción para os alumnos que cometan as faltas na súa clase e preferiblemente para faltas de tipo académico.
G.4 Medidas correctoras ás faltas graves
-Realización de tarefas. Estas deberán contribuír á mellora e ao desenvolvemento das actividades do Centro ou estarán dirixidas a repara os danos causados nas instalacións, material ou pertenzas doutros membros da comunidade.
-Reposición ou pago de materiais danados. Cando o dano nas instalacións, materiais ou pertenzas persoais impliquen a reparación ou adquisición dos mesmos, o alumno farase cargo dos gastos derivados.
-Suspensión do dereito a participar en actividades extraescolares ou complementarias. Dependendo da gravidade da conduta, a corrección afectará a unha ou máis actividades.
G.5 Circunstancias paliativas e agravantes Consideraranse circunstancias paliativas:
a) O recoñecemento espontáneo e presentación de escusas inmediatas. b) A ausencia de intencionalidade.
c) A reparación espontánea do dano causado.
d) A presentación de escusas pola conduta incorrecta. Consideraranse circunstancias agravantes:
a) A premeditación e a reiteración.
b) A falta de respecto ao profesorado, ao persoal non docente e aos demais membros da comunidade educativa no exercicio das súas funcións.
c) A causa de dano, inxuria ou ofensa aos seus compañeiros/as.
d) As condutas que atenten contra o dereito a non ser discriminado por razón de nacemento, raza, sexo, capacidade económica, conviccións políticas, morais ou relixiosas, así como por padecer discapacidade física, sensorial ou psíquica, ou por calquera condición persoal ou circunstancia social.
e) Os actos realizados de forma colectiva que atenten contra os dereitos dos demais membros da comunidade educativa.
f) O uso da violencia.
g) A publicidade de condutas contrarias ás normas de convivencia.
h) A incitación a calquera dos actos contemplados nos apartados anteriores b), c), d), e), f) e g).
CONDUTAS LEVES CONTRARIAS ÁS NORMAS DE CONVIVENCIA (Prescriben aos 30 días)
Conduta contraria ás
normas de convivencia Sanción
Órgano competente para impoñer a sanción
Actos que perturben o normal desenvolvemento das actividades de clase.
Suspensión do dereito de asistencia a esa clase, prevíndose atención educativa ao alumno e informándose ao titor, xefe de estudos e pais.
Quedará constancia escrita.
O profesor que imparte a clase
Falta de colaboración sistemática na realización de actividades na clase
a) Amoestación privada ou por escrito. b) Comparecencia inmediata ante a persoa
que ocupe a xefatura de estudos ou persoa que exerza funcións equivalentes.
c) Realización de tarefas en horario lectivo.
d) Realización de tarefas fóra do horario lectivo
e) Suspensión do dereito a participar nas actividades extraescolares ou
complementarias do centro por un período de ata dúas semanas.
f) Cambio de grupo por un período de ata unha semana.
g) Suspensión do dereito de asistencia a determinadas clases por un período de ata tres días lectivos. Durante o tempo que dure a suspensión, o alumnado deberá realizar os deberes ou traballos que se determinen para evitar a interrupción no proceso formativo. h) Suspensión temporal do dereito de
asistencia ao centro por un período de ata tres días lectivos. Durante o tempo que dure a suspensión, o alumnado deberá realizar os deberes ou traballos que se determinen para evitar a interrupción no proceso formativo.
Para a), b), c) todos os profesores (comunicación escrita á XE e DIR) Para a), b), c), d) o titor ou titora. (comunicación escrita á XE e DIR)
Para e), f) o xefe de estudos
Para g), h) o director. Condutas que poidan
impedir ou dificultar o deber de estudar dos compañeiros e compañeiras Faltas inxustificadas de puntualidade Incorrección ou desconsideración cara a outros membros da comunidade escolar.
Causar pequenos danos ás instalacións, materiais, documentos do centro ou pertenzas dos membros da comunidade
O uso de cámaras e móbiles no recinto escolar sen autorización.
As establecidas no PEC conforme á normativa vixente
CONDUTAS GRAVEMENTE PREXUDICIAIS PARA A CONVIVENCIA (Prescriben aos 120 días)
Conduta contraria a las normas de
convivencia Medidas disciplinarias
Órgano competente para impoñer a corrección
Agresión física contra calquera membro da comunidade educativa.
Suspensión do dereito de asistencia a esa clase, prevíndose atención educativa ao alumno e informándose ao titor, xefe de estudos e pais.
Quedará constancia escrita.
O profesor que imparte a clase
Inxurias, ofensas, ameazas ou coaccións, contra calquera membro da comunidade educativa.
a) Realización, dentro ou fóra do horario lectivo, de tarefas que contribúan á mellora e ao desenvolvemento das actividades do centro.
b) Suspensión do dereito a participar nas actividades extraescolares ou
complementarias do centro por un período de entre dúas semanas e un mes.
c) Cambio de grupo.
d) Suspensión do dereito de asistencia a determinadas clases por un período de entre catro días lectivos e dúas semanas. Durante o tempo que dure a suspensión, o alumnado deberá realizar os deberes ou traballos que se determinen para evitar a interrupción no proceso formativo.
e) Suspensión temporal do dereito de asistencia ao centro por un período de entre catro días lectivos e un mes. Durante o tempo que dure a suspensión, o alumnado deberá realizar os deberes ou traballos que se determinen para evitar a interrupción no proceso formativo. O Director (traslado á comisión de convivencia) As medidas correctoras de condutas gravemente prexudiciais para a convivencia só se poden impoñer logo da tramitación do procedemento disciplinario regulado no artigo 25 da lei 4/2011
O acoso escolar entendido como maltrato psicolóxico verbal o físico cara a un alumno producido por un ou máis compañeiros producido de forma reiterada ao longo dun tempo determinado.
Actuacións prexudiciais para a saúde ou a integridade física..
Vexacións ou humillacións con
compoñentes raciais, sexuais, relixiosos, xenófobos ou homófobos.
Suplantación de personalidade ou subtracción ou falsificación de documentos.
Causar graves danos as instalacións, recursos, documentos ou pertenzas dos membros da comunidade educativa.
A reiteración nun mesmo curso de condutas contrarias a la convivencia
O incumprimento das correccións impostas.
Colgar sen autorización, imaxes tomadas no recinto escolar na rede, internet e demais.
As establecidas no PEC conforme á normativa vixente
4. Mecanismos de coordinación e colaboración interna no centro
c. Descrición das actuacións, das medidas ou dos programas que se van desenvolver para
favorecer a convivencia, incluíndo medidas preventivas e de sensibilización e actuacións
organizativas, curriculares e de coordinación, entre outras.
-A garantía dun ambiente educativo de respecto mutuo que faga posible o cumprimento dos fins da educación e que permita facer efectivo o dereito e o deber de aproveitar de xeito óptimo os recursos que a sociedade pon á disposición do alumnado no posto escolar.
- A educación no respecto dos dereitos e liberdades fundamentais, na igualdade de dereitos e oportunidades entre homes e mulleres e na igualdade de trato e non discriminación das persoas.
-A prevención e o tratamento das situacións de acoso escolar mediante medidas eficaces.
-O recoñecemento ao profesorado, en especial aos membros do equipo directivo, das facultades precisas para previr e corrixir as condutas contrarias á convivencia, así como da protección xurídica adecuada ás súas funcións.
-A corresponsabilidade de pais e nais ou dos titores ou titoras como un dos principais deberes que lles corresponden en relación coa educación dos seus fillos ou fillas ou pupilos ou pupilas.
-Promover a resolución pacífica dos conflitos e fomentar valores, actitudes e prácticas que permitan mellorar o grao de aceptación e cumprimento das normas, avanzar no respecto entre todos os membros da comunidade educativa e a mellora da convivencia escolar.
-Avanzar no respecto entre todos os membros da comunidade educativa e na mellora da convivencia escolar.
- A promoción da sensibilización dos distintos sectores que interveñen na educación sobre a importancia da convivencia como parte fundamental para o desenvolvemento persoal e social do alumnado.
- Como medio para a comunicación das situacións de acoso, o centro conta cunha a “Caixa de correo da Convivencia” para a recollida de denuncias ou comunicacións, tanto física (na zona de esparcimento da planta baixa) como telemática, na pax. Web do centro. Esta caixa de correo será xestionada pola Xefatura de Estudos ou persoa en quen delegue. En todos os casos garantirase o anonimato da identidade da persoa que realiza a comunicación. Así mesmo, calquera denuncia que sexa falsa ou indique indicios de actuación malintencionada, por calquera dos membros da Comunidade Educativa, pode ser sancionada pola Comisión de Convivencia con medidas correctoras que poden ir dende a falta leve a falta grave.
g. Concreción, en cada unha das actuacións, das medidas ou dos programas, das persoas ou
dos órganos responsables, das persoas destinatarias e dos procedementos que se van
seguir para o seu desenvolvemento e execución.
E.1 Comportamento no Centro
Para crear un ambiente educativo adecuado no cal o respecto ao estudo (deber básico do alumnado) e a dignidade das persoas estean presentes, debemos participar e colaborar activamente, xunto co resto dos
membros da comunidade educativa, co propósito de favorecer o mellor desenvolvemento da ensinanza e da convivencia no Centro.
Nun Centro no cal convive alumnado que comprende un abano tan grande de idades é necesario establecer unhas pautas de comportamento que, por básicas que parezan, é conveniente lembrar e asumir.
E.2 Asistencia e puntualidade ás clases
Asistir a clase e participar nas actividades orientadas ao desenvolvemento dos plans de estudos.
Respectar a puntualidade e os horarios para o desenvolvemento das actividades do Centro.
Acudir puntualmente e participar dos actos programados polo Centro.
Rexeitar o abandono da aula, salvo causa de forza maior, durante o período lectivo correspondente.
Agardar á entrada na aula sen molestar ao alumnado que nese intre está dentro da mesma.
A ausencia do profesor, os alumnos permanecerán na aula esperando as instrucións do profesor de garda.
Prohíbese o uso de teléfonos móbiles e outros dispositivos electrónicos como mecanismo de comunicación durante os períodos lectivos. Excepcionalmente, poderán usarse como ferramenta pedagóxica, sempre a supervisión do profesorado.
E.3 Comportamento na aula
Atender en todo momento ás explicacións e indicacións do profesorado e cun bo comportamento.
Pedir previamente a palabra para poder intervir e respectar a quenda de palabra dos demais.
Evitar interromper o desenvolvemento normal da clase con conversacións, ruídos ou calquera outro acto que poida ser considerado como molestia da mesma.
Acudir ás clases co uniforme e peiteado estipulado e todo o material necesario cara ás mesmas.
Manter unha actitude de traballo activa, prestando atención ao profesorado en silencio e realizando as tarefas que este considere mais convenientes en cada momento.
E.4 Comportamento en relación a calquera persoa da comunidade educativa:
Respectar as normas de organización, convivencia e disciplina do centro educativo.
Respectar a autoridade do profesorado, tanto dentro da clase como no resto do Centro.
Respectar a liberdade de conciencia e as conviccións relixiosas, así como a dignidade, integridade e intimidade de todos os membros da Comunidade Educativa e non discriminar a ningún membro por razón de nacemento, raza, sexo ou por calquera outra circunstancia persoal ou social.
Respectar aos conserxes e ao resto do persoal da administración e servizos e atender, en todo momento as súas indicacións.
E.5 Comportamento en relación aos compañeiros e compañeiras:
Manter un trato correcto cara os compañeiros e compañeiras, non permitíndose, en ningún caso, o exercicio da violencia física ou verbal.
E.6 Comportamento en relación ao material e as instalacións:
Respectar e utilizar correctamente os bens mobles, instrumentais e as instalacións do Centro.
Velar pola limpeza da aula, do mobiliario e do material común, facendo un uso correcto de todo o material dispoñible. Respectar o material alleo, evitando non tocalo e non utilizalo en beneficio propio, sen permiso.
Respectar a disposición das mesas e os lugares asignados polo Centro, ou polo profesorado, cando se utilice unha aula específica ou en caso de que a tarefa encomendada así o requira.
5. Procesos de difusión, seguimento, avaliación e mellora do plan de convivencia
h. As normas específicas para o funcionamento da Comisión de Convivencia, a súa composición, a periodicidade das reunións e o plan de actuación.
A comisión de convivencia constituirase no seo do consello escolar. Terá carácter consultivo e desempeñará as súas funcións por delegación do consello escolar, para facilitar o cumprimento das competencias que este ten asignadas en materia de convivencia escolar e velará pola correcta aplicación do disposto no decreto (8/2015, do 8 de xaneiro), no plan de convivencia e nas normas de convivencia.
A comisión de convivencia, na súa composición, integrará o principio de igualdade entre mulleres e homes de todos os sectores da comunidade educativa. Estará composta polas persoas representantes do alumnado, do profesorado, das familias e do persoal de administración e servizos e todas elas na mesma proporción en que se encontran representadas no Consello Escolar. Será presidida polo/a director/a do centro e unha das persoas integrantes actuará como secretaria ou secretario, quen levantará a acta das súas reunións. O director/a nomeará aos representantes de cada colectivo. Os seus membros poden coincidir cos do Consello Escolar, pero non teñen que ser os mesmos necesariamente.
A comisión de convivencia manterá tres reunións anuais de carácter ordinario, unha por trimestre, e con carácter extraordinario cantas veces sexa convocada pola súa presidencia, por iniciativa propia ou por proposta de, polo menos, unha terceira parte dos seus membros.
Serán as súas funcións:
- Elaborar o plan de convivencia do centro e dinamizar todos os sectores da comunidade educativa, incorporando as súas iniciativas e achegas no procedemento de elaboración, desenvolvemento e seguimento do citado plan.
- Impulsar accións dirixidas á promoción da convivencia, especialmente o fomento de actitudes para garantir a igualdade entre mulleres e homes, a igualdade de trato de todos os membros da comunidade educativa e a resolución pacífica de conflitos.
- Propor ao consello escolar as medidas que considere oportunas para mellorar a convivencia, así como dar conta a este, cando menos dúas veces ao longo do curso, das actuacións desenvolvidas e das correccións e medidas disciplinarias impostas.
- Propor, de ser o caso, á persoa titular da dirección do centro persoas que poidan formar parte do equipo de mediación.
- Coñecer o cumprimento efectivo das correccións e medidas correctoras nos termos en que fosen impostas e informar o consello escolar sobre o grao de cumprimento da normativa vixente.
- Realizar o seguimento dos compromisos de convivencia subscritos no centro.
- Elaborar unha memoria anual sobre a análise da convivencia e conflitividade no centro, na cal se reflictan as iniciativas no ámbito do centro sobre a materia.
- Aqueloutras que lle sexan encomendadas polo consello escolar do centro docente ou polo órgano da Administración educativa con competencias na materia.
Cando a comisión de convivencia o considere oportuno, e co obxecto de que informen no ámbito das súas respectivas competencias, poderá solicitar o asesoramento dos/ as profesionais do departamento de orientación que interveñen no centro, do profesorado titor relacionado co tema que se analice, do educador ou educadora social do concello onde estea o centro educativo ou doutros ou doutras profesionais segundo a problemática de que se trate, así como das asociacións do sector que poidan colaborar na mellora da convivencia.
i. Mecanismos de coordinación e colaboración interna no centro, coas familias e con outros centros educativos ou organismos do contorno.
-A participación de todos os sectores afectados na programación xeral do ensino polos poderes públicos que garante o punto 5 do artigo 27 da Constitución Española e o artigo 118 da Lei 2/2006, de 3 de maio, de Educación.
- A regulación de procedementos de consulta e participación directa das familias, e, de ser o caso, doutros colectivos da comunidade educativa, no ensino, complementarios das canles institucionalizadas de participación nel e no funcionamento e goberno dos Centros docentes previstos na lexislación educativa. -A mellora da comunicación entre o profesorado e as familias para facilitar a estas o exercicio dos dereitos e o cumprimento dos deberes que lles corresponden en relación coa educación dos seus fillos ou fillas ou titorandos.
-A colaboración entre titores e o resto do profesorado para facilitar a detección precoz e formular unha solución eficaz, en conxunto, na liña estipulada polo Plan de Convivencia.
j. Estratexias para realizar a difusión do plan de convivencia.
Coa finalidade de que o Plan de Convivencia sexa coñecido, aplicado e valorado por todos os sectores da comunidade educativa difundirase por diferentes medios:
- Web do centro.
- Taboleiros de anuncios e outros espazos establecidos ao respecto.
Así mesmo, ao principio de cada curso escolar divulgaremos a información relacionada cos obxectivos do noso Plan de Convivencia, co fin de garantir o seu perfecto coñecemento por parte de todos os sectores da comunidade educativa. De maneira que todos garantamos o seu cumprimento, para favorecer a convivencia positiva no noso centro.
Deste xeito, as vías de transmisión serán: - Equipo directivo,
- Persoal non docente, - Acción Titorial, - Delegados de curso, - ANPA.
m. Procesos de seguimento, avaliación e mellora do plan de convivencia.
A dirección manterá informado ao Consello Escolar das situacións detectadas e das actuacións adoptadas, sen prexuízo da información que debe ser facilitada.
A Comisión de Convivencia, realizará o seguimento dos compromisos e das pautas de actuación adoptados co alumnado e coas familias.
O Consello Escolar avaliará a eficacia das medidas correctivas e orientadoras adoptadas.
E.7 Actuacións do Plan de Convivencia
As actuacións enmarcadas neste plan están organizadas nos seguintes epígrafes: -Intervencións sobre o Centro como espazo físico e na súa organización.
-Intervencións dende os diferentes órganos de xestión e coordinación do Centro: equipo directivo e departamentos.
-Intervencións para introducir melloras dirixidas ao profesorado. -Intervencións para introducir melloras dirixidas ao alumnado. -Intervencións dirixidas ás familias.
-Actuacións para contribuír a unha óptima coordinación co entorno e as súas institucións.
Intervencións sobre o Centro como espazo físico e na súa organización. Obxectivos pretendidos.
-Avaliar de forma permanente as necesidades de convivencia e introducir no Centro as modificacións oportunas que faciliten o control da disciplina.
-Unificar e clarificar todos os protocolos e normas de control e vixilancia sobre o alumnado. -Crear un bo clima de convivencia dende o comezo de curso.
Accións a realizar.
-Reunir inicialmente a todos os sectores da comunidade educativa para difundir as normas de convivencia do Centro para o ano en curso.
-O equipo directivo e a Comisión de Convivencia terán a responsabilidade de promover o uso sistemático dos protocolos e normas do Centro entre o profesorado.
-Cada un dos órganos do centro deberá sistematizar os procesos de toma de acordos ao inicio de curso, promocionando un modelo de: definición de fins – actuación – avaliación e revisión continuada.
-Incluír todos os anos na Programación Xeral Anual obxectivos de mellora da convivencia e de organización e infraestrutura do Centro.
-Incluír nas reunións de CCP un punto obrigatorio de valoración e toma de acordos sobre convivencia.
Intervencións dende os diferentes órganos de xestión e coordinación do centro equipo directivo e departamentos
Obxectivos pretendidos.
-Incrementar as vías de comunicación e participación nos diferentes órganos do Centro. -Outorgar prioridade a os aspectos de coordinación, colaboración entre o profesorado.
-Asegurar un entendemento e compromiso mínimo no desenvolvemento da liña educativa do Centro. -Promover o Plan de Convivencia que se deseñe para que o seu desenvolvemento contribúa a mellorar os niveis de comunicación, coordinación e colaboración entre o profesorado.
-Contribuír dende o plan de acción titorial a mellora da convivencia.
Accións a realizar.
-Mellorar a información dos acordos e tomas de decisión dos diferentes órganos de goberno e coordinación do Centro: calendario con temas a tratar, convocatorias e actas na Web.
-Elaborar ao inicio do curso un Plan Anual que recolla os obxectivos, procesos e sistema de avaliación para cada uno dos órganos do Centro.
-Realizar xornadas de acollida para o alumnado organizadas dende o Equipo Directivo.
-Desenvolver os acordos recollidos no Plan de Convivencia por parte da Comisión de Convivencia. Incluír no PAT actividades de mellora da convivencia. Incrementar a atención que se presta a titoría. -Participar nas actividades que promova a Comisión de Convivencia e que vaian dirixidas ao alumnado. -Realizar actividades de formación para o profesorado, o alumnado, as familias e o persoal non docente en materia de convivencia. De ser o caso, estas actuacións formativas poderán realizarse de forma conxunta.
Intervencións para introducir melloras dirixidas ao profesorado. Obxectivos pretendidos.
-Mellorar as capacidades de control sobre a súa clase de todo o profesorado.
-Promover entre todo o profesorado unha actitude de participación na convivencia do Centro.
Accións a realizar.
-Organizar actividades formativas e de reflexión.
-Organizar unhas actividades de acollida ao inicio do curso para o novo alumnado.
Intervencións para introducir melloras dirixidas ao alumnado. Obxectivos pretendidos.
-Mellorar o proceso de control do absentismo con medidas de control, organizativas e curriculares. -Revisar os deseños curriculares do Centro para axustalos ás características do noso alumnado. -Programar actividades de prevención a incluír no Plan de Acción Titorial.
-Promover a adquisición de valores de convivencia entre o alumnado. -Promover os valores da interculturalidade no Conservatorio.
Accións a realizar.
-Mellorar os mecanismos de control que permitan comprobar que os pais están enterados das faltas dos seus fillos.
-Revisar permanente os documentos do Centro. -Realizar actividades de titoría en grupo e individual.
-Introducir nos programas curriculares os temas transversais adecuados: Os dereitos humanos, valores de tolerancia e respecto intercultural.
-Realizar actividades para vivir e compartir os valores de todas as culturas.
Intervencións dirixidas as familias. Obxectivos pretendidos.
-Promover un programa de relación familia-Centro que contribúa a unha mellora destas situacións.
Accións a realizar.
-Traballar as normas de conduta do Centro coas familias antes da primeira avaliación, buscando a súa colaboración e implicación.
-Mellorar a relación titoría-familia. Prestixiar a labor do/a titor/a, facilitarlle máis oportunidades de contacto. -Mellorar a relación equipo directivo – familia: facilitar oportunidades de contacto.
-Incrementar a presenza na web do Centro de temas dirixidos a familia. -Potenciar o papel e participación do ANPA: actividades extraescolares .
6. ACOSO ESCOLAR
d. O protocolo para a prevención, detección e tratamento das situacións de acoso escolar, de
conformidade co establecido no artigo 30.2 da Lei 4/2011, do 30 de xuño.
Considérase acoso escolar calquera forma de vexación ou malos tratos continuados no tempo dun alumno ou alumna por outro ou outra ou outros, xa sexa de carácter verbal, físico ou psicolóxico, incluído o illamento ou baleiro social, con independencia do lugar onde se produza. Terán a mesma consideración as condutas realizadas a través de medios electrónicos, telemáticos ou tecnolóxicos que teñan causa nunha relación que xurda no ámbito escolar.
O acoso entre escolares pódese manifestar mediante diferentes condutas: a) Comportamentos de desprezo, difamación e ridiculización.
b) Coaccións.
c) Agresións físicas e/ou verbais.
d) Comportamentos de intimidación e ameaza.
e) Comportamentos de exclusión e marxinación social.
g) Utilización de Internet, mensaxes de móbiles, etc., coa intención de facer dano a través de diferentes procedementos: Envío masivo de correos electrónicos non desexados, difusión de imaxes sen consentimento da interesada ou interesado, etc.
Cómpre distinguir entre acoso escolar e agresións esporádicas ou outras manifestacións violentas entre alumnos/as que non garden continuidade no tempo, nin supoñan inferioridade dun dos participantes no suceso. Entenderase que existe una situación de acoso entre escolares se se dan simultaneamente as tres circunstancias seguintes:
a) Intención de facer dano.
b) Reiteración de condutas agresivas.
c) Desequilibrio de forzas entre acosador/a ou acosadores/as e vítima.
Medidas para a prevención, detección e tratamento das situacións de acoso escolar e ciberacoso serán as seguintes:
a) Realización de campañas de sensibilización do profesorado, das nais e pais ou das titoras ou titores e do alumnado contra o acoso escolar, que axuden a previlo e preparen a todos os membros da comunidade educativa para detectalo e reaccionar fronte a este.
Co fin de previr o acoso escolar, considerase imprescindible a información e a formación. Dende a presentación do curso escolar tanto alumnado como país, nais ou titores legais serán informados dos seus dereitos e deberes e dos procedementos a seguir en caso de detección dunha actuación contraria á convivencia.
Dende a dirección fomentarase o coñecemento e posta en práctica do plan de convivencia incluído no PEC entre o equipo docente dende a primeira reunión do curso e sempre que sexa necesario.
Ase mesmo o persoal non docente terá coñecemento dos procedementos establecidos no plan de convivencia e será tido en conta en todas as situacións que así o requiran.
b) Establecemento de canles específicas que faciliten a exteriorización polas vítimas das situacións de acoso escolar.
O alumnado terá coñecemento da ubicación da “Caixa da Convivencia” tanto física como da web, onde anonimamente poderá comunicar ás situacións de acoso de xeito anónimo.
Os titores farán un seguimento do alumnado co fin de detectar posibles situacións de acoso escolar mediante a observación e conversas periódicas co alumnado.
c) Determinación das medidas que deben adoptarse en caso de detección dunha situación de acoso escolar para poñer fin a esta, sen prexuízo das correccións disciplinarias, que correspondan. En todo caso, preverase a designación pola persoa titular da dirección do centro dunha persoa responsable da atención á vítima de entre o persoal do propio centro docente, procurando, cando fose posible, que a designación recaia sobre unha persoa coa que a vítima garde unha relación de confianza ou proximidade.
Calquera membro da comunidade educativa (alumnado, profesorado, familias, persoal non docente) que teña coñecemento dunha situación de acoso entre alumnos ou alumnas, ou considere a existencia de indicios razoables, ten a obrigación de pola inmediatamente en coñecemento do Equipo Directivo do Centro que iniciará o seguinte procedemento
c.1. Procedemento de intervención ante supostas situacións de acoso escolar
Para valorar a situación denunciada, a Xefatura de Estudos, seguindo as instrucións da Dirección, solicitará ao titor/a da alumno/a afectado/a que recolla información relacionada con esa situación. Para tal efecto poderá utilizar, entre outros e con carácter orientador, os indicadores que figuran no ANEXO VIII. Se fose necesario completar esta información coa aportada dende o entorno familiar, que poderá utilizar os indicadores contidos no ANEXO XI . Asemade, poderase engadir calquera outro tipo de información que se considere relevante, sempre coa necesaria confidencialidade. O resultado destas actuacións comunicarase de forma inmediata a Dirección. En función da información aportada polo titor/a, a Dirección poderá establecer medidas preventivas de protección que garantan a inmediata seguridade do alumno/a supostamente acosado/a. Estas medidas de protección consistirán no incremento da vixilancia naquelas zonas e durante os momentos que sexan susceptibles de producirse o acoso, tamén se poderá realizar un cambio de grupo. Si da intervención do titor/a do alumno/a afectado/a se confirmara a existencia de indicios de acoso, e para verificar a situación, a Dirección instará ao titor/a, ou á persoa que designe, para que continúe o procedemento. A tal efecto manteranse as seguintes entrevistas:
-Co alumno/a presuntamente acosado/a. Ao iniciar a entrevista asegurarase ao alumno/a a confidencialidade das súas informacións. Ao longo desa entrevista darase prioridade á información que permita identificar:
Alumno/a ou alumnos/as agresores/as. Observadores/as non participantes.
Alumnado que, en ocasións, protexeu e acudiu a vítima.
Localización de espazos e tempos nos que sole producirse la agresión.
Consecuencias da intimidación para a vítima (absentismo escolar, diminución del rendemento académico, repercusións emocionais e físicas, etc.)
-Con observadores non participantes. Trátase de recoller información de aqueles compañeiros/as que coñecen os feitos pero que nunca se involucraron activamente neles. Especialmente interesa coñecer: a) Frecuencia coa que se produce o acoso.
b) Tipo de acoso.
c) Lugar onde se produce.
d) Sentimento de seguridade que ten o alumnado no Centro.
– Como se indica con anterioridade, ao realizar estas entrevistas compre sinalar o carácter confidencial das mesmas e, en todo caso, garantir o anonimato do alumnado con relación ás informacións que aporte.
-Coa familia da presunta vítima.
– Nesta entrevista informarase sobre os feitos que se investigan, sobre as medidas preventivas adoptadas, sobre o proceso disciplinario que se iniciaría se se confirmase a existencia dunha situación de acoso e, en caso necesario, das medidas paliativas que se adoptarían. Cando se planifiquen as entrevistas evitarase que coincidan as familias do alumnado implicado.
– Nesta entrevista informarase sobre a acusación realizada, sobre as evidencias que existen relacionadas con esa acusación e que, se se confirma a existencia de acoso, iniciarase o procedemento disciplinario legalmente establecido. En calquera caso manifestarase a os pais/nais a preocupación e o interese do profesorado por axudar a o alumnado a que establezan unhas relacións sociais adecuadas, e solicitarase a colaboración familiar para conseguir ese obxectivo.
-Co/a presunto/a agresor/a ou agresores/as.
– Dentro do posible, a primeira entrevista realizarase inmediatamente despois de concluír a reunión cos seus pais. Pedirase ao alumno/a que informe sobre os feitos que están sucedendo ao alumno/a supostamente acosado/a, e se contrastará a súa versión cos datos coñecidos.
Si é necesario ao longo do proceso, a Xefatura de Estudos, á solicitude do/a titor/a ou persoa en quen delegase, poderá recoller asesoramento doutros órganos da Administración competente en Educación. Unha vez rematadas as entrevistas, o/a titor/a ou persoa encargada de realizar o proceso, realizará un breve informe sobre os datos mais relevantes da situación denunciada e o trasladará a Dirección. Esta, en función da información aportada, decidirá se procede a incoación de expediente disciplinario ao/a alumno/a ou alumnos/as agresores/as.
Neste caso o instrutor, antes de finalizar o expediente, poderá pedir ao alumno/a acosador/a que propoña e adopte compromisos co fin de que cese a situación de acoso, repare moralmente ao/a acosado/a e colabore co profesorado na erradicación deste tipo de comportamentos. A actitude e compromiso do/a alumno/a ante estas propostas poderase ter en conta á hora de determinar a medida correctiva que corresponda. A Dirección, confirmada a situación de acoso e considerando o informe do/a titor/a ou persoa en quen se delegase, seguindo o exposto na Lei 4/2011, do 30 de xuño, de convivencia e participación da comunidade educativa, Art.30.4, comunicará á situación de acoso escolar á inspección educativa, xunto coas medidas que se adopten para poñer fin as mesmas. No caso de condutas de especial gravidade, informarase da situación e das medidas aos servizos sociais do correspondente Concello, aos servizos especializados do departamento competente en materia de benestar e, se é o caso, á Fiscalía de Menores para facilitar as medidas que lles corresponda adoptar nos seus respectivos ámbitos competenciais.
A Dirección, unha vez decidida a incoación de expediente disciplinario, informará por escrito dos feitos á Fiscalía de Menores. Ademais, se algún dos escolares implicados na situación de acoso escolar fora menor de catorce años trasladarase tamén esta información á Consellería competente en materia de protección de menores, aos efectos de que dentro das súas atribucións adopte as medidas pertinentes.
Igualmente a Dirección, ao comunicar a incoación de expediente disciplinario á Xefatura Territorial, xuntará unha copia da información recollida nos ANEXOS, e dos escritos contemplados no epígrafe anterior.
c.2. Actuacións posteriores cos implicados nas situacións de acoso escolar
Unha vez verificada a situación de acoso, e iniciadas as medidas correctoras ao abeiro da Lei 4/2011, do 30 de xuño, de convivencia e participación da comunidade educativa a Dirección adoptará as medidas necesarias para paliar os seus efectos negativos e evitar a reprodución de situacións similares. A estes efectos disporá que se leven a cabo actuacións coa vítima, agresor/a ou agresores/as e observadores/as.
c.2.1 Actuacións coa vítima:
a) O/a titor/a, ou persoa que se designe asesorará ao alumnado para que adopte condutas de afrontamento axeitadas ante aquelas situacións conflitivas que, con anterioridade, concluíron nunha situación de acoso. Na instauración destas pautas
contarase coa colaboración dos pais/nais ou titores legais.
b) O profesorado, coordinado polo titor/a, introducirá actuacións enfocadas a ampliar e fortalecer o círculo de relacións da vítima. Estas medidas levaranse a cabo coa
adecuada discreción para evitar que a situación persoal da vítima sexa comentada diante de todo o alumnado.
c) No caso de que se observe que o alumno/a está especialmente afectado dende o punto de vista psicolóxico, a Dirección do Centro recomendará á familia que sexa atendido/a polos servizos externos pertinentes.
c.2.2 Actuacións co agresor/a ou agresores/as:
a) Como complemento ás accións correctoras ás que houbera lugar, segundo o disposto na Lei 4/2011, do 30 de xuño, de convivencia e participación da comunidade educativa o/a titor/a adoptará as medidas necesarias para favorecer a integración do/a agresor/a ou agresores/as no grupo respectando os intereses e dereitos dos demais.
b) En caso necesario, a Dirección do Centro poderá recomendar á familia que o/a alumno/a sexa atendido por apoios externos (especialistas sanitarios, servizos sociais, etc)
c.2.3.Actuacións cos observadores:
– O titor/a realizará actividades co grupo para que o alumnado saiba cómo actuar ante diferentes situacións de acoso. Especialmente incidirase sobre:
– Modo de reprobar as condutas de acoso. – Modo de mostrar apoio á vítima.
– Procedemento para illar ao agresor/a cando se comporte de modo inadecuado. – Procedemento para denunciar as agresións.
c.3.Actuacións de seguimento e avaliación
A Dirección manterá informado ao Consello Escolar das situacións detectadas e das actuacións adoptadas, sen prexuízo da información que debe ser facilitada.
A Comisión de Convivencia, realizará o seguimento dos compromisos e das pautas de actuación adoptados co alumnado e coas familias. O Consello Escolar avaliará a eficacia das medidas correctivas e orientadoras adoptadas.
d) Nos supostos menos graves de situación de acoso, favorecemento da mediación realizada por alumnado do centro educativo que obtivese formación e cualificación para a intervención nestas situacións.
PARTE DE FALTAS DE CONVIVENCIA
□
AMOESTACIÓN VERBAL□
FALTA LEVE□
FALTA GRAVEALUMNO OU ALUMNA (indicar grupo)
DESCRIPCIÓN DA INCIDENCIA (indicar data)
MEDIDAS LEVADAS A CABO
Lugo, ……de………..de…………
ACTIVIDADES PARA DESENVOLVER A CONVIVENCIA NA AULA
1- Exercicio para desenvolver as habilidades sociais na aula de danza: respectar o espazo das demais e aprender a que respecten o teu.
Obxectivo:
A finalidade da actividade é a de comprender a importancia de respectar o espazo individual de todos e cada un dos membros do grupo para mellorar o traballo na aula e entender que o protagonismo ha de telo o grupo, non os seus compoñentes a nivel individual.
Contidos da programación didáctica da materia:
Adaptación ás necesidades concretas do grupo xurdidas á hora de compartir o espazo durante as coreografías.
Material utilizado: Le atentamente,
'Cando invades o espazo dos demais polo teu afán de destacar sobre eles, convérteste en egoísta e pedante'.
'Cando cedes o teu espazo ante os outros demostras que es doado de manipular'. 'Respecta o espazo dos demais tanto como ti desexas que respecten o teu'. 'Todos somos protagonistas dentro do noso grupo'.
Contesta con toda liberdade e sinceridade:
1 - Estás de acordo con estas afirmacións? Por que? 2 - Que é para ti respectar?
3 - Que entendes por respectar o espazo dos demais? 4 - Que entendes por facer respectar o teu espazo?
5 - Que cres que podes facer para favorecer o protagonismo do grupo?
Reunirvos en pequenos grupos de 3 ou 4 compoñentes, elixindo unha voceira que anotará os acordos e as conclusións ás que cheguedes durante un tempo aproximado de 10 minutos.
Posteriormente, toda a clase poñerá en común as conclusións de cada un dos pequenos grupos, co fin de extraer unhas conclusións xerais que consideren o compromiso de todos de respectar o espazo individual de cada membro nas coreografías e no traballo diario de clase.
2. Exercicio para desenvolver a tolerancia, amizade e xenerosidade:
Obxectivo:
A finalidade da actividade é a de sensibilizar e desenvolver a capacidade e valores como a tolerancia, a amizade e a xenerosidade no grupo.
Contidos da programación didáctica da materia:
Mellora da actitude na aula e aumento da complicidade e conexión co grupo. Material utilizado:
https://m.youtube.com/watch?v=xQ_rbKMOzag
Descrición da actividade:
Unha vez visualizamos o vídeo, comentamos e realizamos un debate ou calquera exercicio que fomente a actitude reflexiva.
3. Exercicio para fomentar a disciplina, motivación e confianza:
https://www.youtube.com/watch?v=CfEOwQnd-OM Obxectivo:
A actividade busca que os alumnos e alumnas potencien a confianza en sí mesmos, cultiven a capacidade de esforzo e a iniciativa, para perfilar unha actitude exitosa e respectuosa á vez.
Contidos da programación didáctica da materia:
A actitude na aula e a preparación para a vida profesional. Material utilizado:
https://m.youtube.com/watch?v=xQ_rbKMOzag
Descrición da actividade:
Unha vez visionamos o vídeo, realizamos unha batería de palabras sobre como sentimos, respecto ao éxito e a nosa capacidade de obtela, para tomar conciencia daquilo que nos obstaculiza a confianza para logra o que nos propoñemos. Finalmente extraemos a palabra crave ou o noso totem persoal que nos de forza cando deixamos abandonada a capacidade de esforzo.
4. Exercicio para a concreción dos dereitos e deberes do alumnado
Obxectivo: A finalidade da actividade é reflexionar sobre qué é un dereito e qué un deber Material utilizado:
Fichas dos dereitos e deberes do alumnado do Plan de Convivencia do centro*
Non haberá explicación previa por parte do profesor senón preguntas clave, tipo: ¿qué é un dereito?
¿ facer o que eu queira é un dereito?
¿todo o alumnado temos os mesmos dereitos?
¿os dereitos do conservatorio serán os mesmos que no teu colexio ou na túa casa? ¿qué é un deber?
¿un deber é algo que un fai individualmente ou teñe repercusión no grupo? ¿un deber é un castigo?
Descrición da actividade:
1. Primeiro un pequeno xogo: o profesor levará a aula as fichas*. Imprimir e recortar cada cadro (cada dereito ou deber por separado)
- Facer dúas columnas no chan poñendo enriba DEREITOS nunha e DEBERES noutra - Facer grupos, baraxar as fichas e repartirllas entre eles.
- Cada grupo irá poñendo as súas fichas no chan. As fichas en branco deberán cubrilas con outros dereitos ou deberes que eles pensen.
2. Rematamos coas súas propias conclusións sobre o tema
