Cruceiro de Roo, Outes
(A Coruña)
INDICE
1.- INTRODUCIÓN
1.1.- Disposicións xerais e principios 1.2.-Obxectivos
2.-DEREITOS E DEBERES DOS PROFESORES/AS 2.1.-Lexislación
2.2.-Dereitos 2.3.-Deberes
3.-DEREITOS E DEBERES DOS ALUMNOS/AS 3.1.-Lexislación
3.2.-Dereitos e deberes dos alumnos/as 3.2.1.-L.O.C.E.
3.2.1.1.-Consideracións xerais
3.2.1.2.-Dereitos básicos
3.2.1.3.-Deberes básicos
3.2.2.-Dereitos e deberes dos alumnos/as (R.D.732/95)
3.2.2.1.-Dereitos 3.2.2.2.-Deberes 4.-NORMAS DE CONVIVENCIA
4.1.-Aspectos xerais
4.2.-Normas básicas de funcionamento e convivencia 4.2.1.-Entradas
4.2.2.-Recreos 4.2.3.-Saídas
4.2.4.-Cambios de aula
4.2.5.-Varios
4.3.-Correccións para as condutas contrarias ás normas básicas de funcionamento e convivencia (antes “faltas leves”)
4.4.-Condutas gravemente prexudiciais para a convivencia do Centro (antes “faltas graves”)
4.5.-Correccións para as condutas gravemente prexudiciais para a convivencia do Centro
5.-NORMAS ESPECIAIS DE FUNCIONAMENTO
5.1.-Libros de texto
5.2.-Substitucións
5.3.-Vixilancia de recreos
5.4.- Vixilancia e actividades das tardes 5.4.1.-Profesores/as 5.4.2.-Monitores/as 5.5.-Accidente ou emerxencia 5.6.-Excursións e saídas 5.6.1.-Aspectos xerais 5.6.2.-Planificación
5.6.3.-Saídas á localidade ou proximidades
5.6.4.-Outras saídas
5.6.5.-Axudas 5.7.-Uso de espazos e recursos 5.7.1.-Biblioteca
5.7.2.-Sala de usos Múltiples, Aulas de Informática e Plástica/Ludoteca
5.7.3.-material
5.8.-Servizos Complementarios e Persoal non Docente 5.8.1.-Transporte
5.8.2.-Conserxería 5.8.3.-Limpeza 5.9.-Entrevistas
1-INTRODUCION
Este regulamento ten como finalidade establecer pautas de conduta que dirixan os actos e a vida en xeral da nosa comunidade educativa, para conseguir unha convivencia harmónica e estable de tódolos seus membros co fin de que a actividade educativa acade a formación integral dos alumnos/as, dentro dun ambiente de cooperación, actitude positiva, ilusión e seguridade.
Despois da súa aprobación polo Consello Escolar pasa a formar parte integrante do Proxecto Educativo do Centro.
Para a revisión deste Regulamento de Réxime Interno utilizáronse diversas fontes: a lexislación que se indica en cada caso, especialmente a Lei Orgánica 1/90 de 3 de Outubro, de Ordenación Xeral do Sistema Educativo e no Real Decreto 732/1995 do 5 de maio, polo que se establecen os dereitos e deberes dos alumnos/as e as normas de convivencia nos centros (BOE do 2 de xuño). Para certas cuestións de recente modificación tívose en conta a Lei Orgánica 10/02 de 23 de decembro de Calidade da Educación (BOE 24 de decembro). Informacións obtidas de centros dos arredores con características similares. Aportacións do profesorado e outros membros da comunidade educativa, individuais ou a través dos diversos equipos docentes e órganos de goberno…
-Lei Orgánica de Educación 2/2006 de 3 de Maio (BOE 4 de abril)
1.1.-Disposicións xerais e principios.
-Este Regulamento é de obrigado cumprimento para tódolos membros da
comunidade escolar.
-Tódolos alumnos/as teñen os mesmos deberes e dereitos básicos, sen outra distinción que as derivadas da idade, nivel e/ou posto no que están.
-As normas de actuación contidas no Regulamento baséanse nos seguintes principios:
• Respecto mutuo nas relacións interpersoais. • Democracia na xestión e control da actividade.
• Responsabilidade individual de cada un na súa tarefa ou posto.
• Solidariedade e traballo en equipo nun ambiente estable e agradable.
1.2.-Obxectivos
-Favorecer o goberno e funcionamento do Centro en tódolos aspectos.
-Recompilar a normativa legal aplicable.
-Adaptar as instrucións e normas xerais á realidade concreta deste Colexio. -Regulamentar as relacións de toda a comunidade educativa.
-Estruturar e dinamizar a actividade e a vida no Centro.
-Proporcionar estabilidade e confianza nas decisións a tomar, por ter referencias claras en cada situación previsible.
-Colaborar á formación integral do alumnado nun ambiente ordenado onde as responsabilidades e dereitos de cada un están delimitadas.
2-DEREITOS E DEBERES DOS PROFESORES/AS 2.1.-Lexislación:
-Lei 4/1988 do 26 de maio da Función Pública en Galicia (DOG 1 de xuño). Modificada pola Lei 4/1991 do 8 de marzo (DOG do 13), pola Lei 8/1992 do 24 de xullo (DOG do 6 de agosto) e pola Lei 3/1995 do 10 de abril (DOG do 20)
-Orde do 1 de setembro de 1987 (DOG do 11) pola que se adecúa a xornada de traballo dos funcionarios docentes.
-Decreto 94/1991 do 20 de marzo (DOG do 25) polo que se aproba o Regulamento de Réxime Disciplinario dos funcionarios da admistración da comunidade autónoma de Galicia.
-Decreto 374/1996 do 17 de outubro (DOG do 21) polo que se aproba o Regulamento Orgánico das Escolas de E.I. e dos Colexios de E. Primaria.
-Orde do 22 de xullo do 27, pola que se regulan a organización e funcionamento de EEI, CEP e CEIP (DOG do 2 de setembro).
-Decreto 7/1999, do 7 de xaneiro, polo que se implantan e regulan os centros públicos integrados de ensinanzas non universitarias. (DOG do 26 de xaneiro).
-Real Decreto2112/1995 do 2 de outubro polo que se regulan os concursos de traslados de ámbito nacional (BOE 6 de outubro)
-Lei Orgánica 10/2002 de Calidade da Educación (BOE 24 decembro) -Lei Orgánica de Educación 2/2006 de 3 de Maio (BOE 4 de abril)
-Lei 9/2003 do 23 de decembro (DOG do 29) de medidas tributarias e administrativas
-Orde do 17 de xuño de 2004 pola que se regulan as permutas provisionais.
2.2.-Dereitos
-Ter garantida a liberdade de ensino, sempre que se respecte a Constitución, o Estatuto, as leis, e os Proxectos de Xestión do Centro (PEC, PCC, PXA, …)
-Ser tratado con respecto.
-Desenvolver a actividade docente nun clima de orde e disciplina.
-Poder reunirse nos locais do Centro, sempre que non se perturbe a actividade docente normal, previa comunicación ó Equipo Directivo.
-Intervir no control e xestión do Centro a través dos órganos colexiados correspondentes.
-Elixir libremente ós seus representantes.
-Formular ante os órganos de goberno reclamacións, peticións, suxestións e recursos.
-A utilización dos medios instrumentais, materiais e instalacións do Centro para os fins da docencia, de acordo coas normas e instrucións para o seu uso.
2.3.-Deberes:
-Procurar coñecer as circunstancias ambientais e características psicolóxicas dos alumnos/as e respectar a súa personalidade.
-Elaborar e aplicar a programación da actividade educativa de acordo coa capacidade, nivel e circunstancias especiais dos alumnos/as.
-Colaborar co resto do profesorado e Equipo Directivo tanto no aspecto docente como no administrativo, coordinando, informando, cumprimentando documentación etc, de acordo co establecido na lexislación e nos Proxectos de Xestión do Centro.
-Asistir con puntualidade á clase e a calquera outra actividade do Centro que requira a súa presenza: claustros, vixilancias, saídas …
-Orientar, avaliar e levar a cabo a acción titorial dos seus alumnos/as de acordo coa normativa aplicable. Procurando inculcarlles un sentido da orde e do traballo ben feito e responsable.
-Facilitar información ós pais sobre o progreso dos seus fillos, tendo en conta posibles situacións familiares de carácter especial. Establecer coas familias un clima de colaboración eficaz.
-Gardar e facer gardar as normas de convivencia da comunidade educativa. -Acatar os acordos do Claustro e Consello lexítima e democraticamente tomados.
-Fomentar o trato correcto entre tódolos membros da comunidade escolar. -Esixir puntualidade, orde, aseo e compostura na clase.
3- DEREITOS E DEBERES DOS ALUMNOS/AS 3.1.-Lexislación:
-LEY ORGÁNICA 10/02 de 23 de decembro de Calidade da Educación (BOE 24 de decembro)
-Lei Orgánica de Educación 2/2006 de 3 de Maio (BOE 4 de abril)
-REAL DECRETO 732/1995do 5 de maio, polo que se establecen os dereitos e deberes dos alumnos/as e as normas de convivencia nos centros (BOE do 2 de xuño).
-Decreto 374/1996, do 17 de outubro polo que se aproba o Regulamento Orgánico das escolas de Educación Infantil dos colexios de Educación Primaria (DOG do 21 de outubro).
-Orde do 22 de xullo do 27, pola que se regulan a organización e funcionamento de EEI, CEP e CEIP (DOG do 2 de setembro).
-Decreto 7/1999, do 7 de xaneiro, polo que se implantan e regulan os centros públicos integrados de ensinanzas non universitarias. (DOG do 26 de xaneiro).
-Circular 6/2005 da D. Xeral de Centros con instrucións sobre o órgano competente para impoñer correccións por condutas contrarias ás normas de convivencia.
3.2.-Dereitos e deberes dos alumnos/as 3.2.1.- L.O.C.E.
3.2.1.1.- Consideracións xerais
-Tódolos alumnos/as teñen os mesmos dereitos, distínguense só por idade e nivel.
-Dereito e deber de coñecer a Constitución e o Estatuto de Autonomía, para formarse nos valores e principios contidos neles e nos tratados e acordos internacionais de dereitos humáns.
-Dereito a valoración e recoñecemento obxectivos da dedicación e o esforzo e a orientación educativa.
3.2.1.2.-Dereitos básicos:
-Formación integral para o pleno desenvolvemento como persoa.
-Respecto á liberdade de conciencia e conviccións de acordo coa Constitución. -Respecto á integridade e dignidade persoais.
-Protección contra a agresión física ou moral.
-Participación no funcionamento e na vida do Centro.
-Recibir axudas e apoios para compensar carencias e desvantaxes. -Protección social caso de infortunio ou accidente.
3.2.1.3.-Deberes básicos:
-Ó estudio, que se concreta en:
• -Participar nas actividades formativas. • -Segui-las directrices do profesorado. • -Asistir a clase con puntualidade.
-Participar e colaborar na mellora das relacións e na consecución dun clima de convivencia para garantir o dereito dos compañeiros á educación.
-Respecta-la liberdade de conciencia e as conviccións dos demais membros da Comunidade Educativa.
-Respectar a dignidade, integridade e intimidade dos demais membros da Comunidade Educativa.
-Respectar as normas de organización, convivencia e disciplina do Centro. -Conservar e facer bo uso das instalacións e materiais.
3.2.2.-Dereitos e deberes dos alumnos/as, baseados no Real Decreto 732/95, de aplicación de maneira supletoria en Galicia en canto non se dite norma equivalente.
-Tódolos alumnos/as teñen os mesmos dereitos e deberes básicos sen máis diferenzas cas derivadas da idade e nivel
-O exercicio dos D. e D. será sempre no marco e cos fins sinalados para a actividade docente da LODE , LOXSE e LOE.
-Os órganos de goberno velarán polo correcto exercicio dos D. e D.
-O Consello Escolar é o órgano competente para a resolución de conflitos e imposición de sancións (Cambiado na Loce, polo Director. D.7/99. DOG 26-1-999,
Circular 6/2005 da D. X. de Centros de 14 de marzo de 2005) )
-O Regulamento de Réxime Interno, aprobado polo Consello conterá as precisións e concrecións dos Dereitos e Deberes, ademais de outras normas de convivencia e de relación entre os diversos órganos.
3.2.2.1.- Dereitos
Os dereitos obrigan a tódolos membros da comunidade Educativa pero no seu exercicio por parte dos alumnos/as implica o recoñecemento e respecto dos dereitos dos demais membros.
-Dereito a unha formación axustada ós fins e principios da LOXSE que asegure o pleno desenvolvemento da súa personalidade. Para elo organizarase unha xornada de traballo acomodada á idade e unha planificación das actividades de estudio equilibrada.
-Tódolos alumnos/as teñen dereito ás mesmas oportunidades de acceso ós distintos niveis de estudio, coas limitacións derivadas do aproveitamento e aptitudes. Esta igualdade concrétase e promóvese mediante:
-Non discriminación por razóns de nacemento; raza; sexo; capacidade económica; nivel social; conviccións políticas, morais ou relixiosas; discapacidades físicas, sensoriais ou psíquicas; ou calquera outra condición persoal ou social.
-Medidas compensatorias para os casos con necesidades especiais ( Orde 27-12-2002)
-O Colexio desenvolverá as iniciativas sempre con especial atención á plena integración e ó respecto ás normas de convivencia.
-Dereito á avaliación con total obxectividade; para o que será necesaria unha comunicación fluída entre os profesores/as e as familias.
-Os criterios de avaliación e promoción, públicos, están a disposición de calquera membro da comunidade.
-Dereito a presentar reclamacións perante o Director baseadas en :
• Inadecuación da proba: obxectivos, contidos ou nivel previsto na programación.
• Incorrecta aplicación dos criterios de avaliación.
-O prazo de reclamación contra as cualificacións finais é de cinco días e resolverase en tres por unha comisión formada polo Xefe de Estudios (Presidente), Equipo de Avaliación e Coordinador do Ciclo. Cabe recurso perante o Delegado no prazo de dez días, que resolverá previo informe da Inspección.
-Dereito a que a actividade académica se desenvolva nas debidas condicións de seguridade e hixiene.
-Dereito a que se respecte a súa liberdade de conciencia, as súas conviccións relixiosas, morais e ideolóxicas, coa intimidade correspondente. Isto garántese co seguinte:
• -Incluíndo información no PEC.
• -Fomentando a capacidade e actitude crítica. • -Elección da formación moral ou relixiosa acorde.
-Dereito a que se respecte a súa integridade física e moral e a súa dignidade persoal.
-A que o Centro garde reserva sobre información acerca das circunstancias persoais e familiares. SALVO caso de malos tratos ou incumprimento das leis de protección a menores.
-Dereito a participar na vida e funcionamento do Centro.
-Dereito á liberdade de expresión respectando os dereitos dos demais e das institucións. Podendo manifestar discrepancia coas decisións educativas.
-Dereito a participar voluntariamente nas actividades do centro.
-Dereito a percibir axudas para compensar posibles carencias, mediante becas, servizos de apoio… O centro relacionarase con outros servizos públicos para atender posibles necesidades: concello, asistente social, centro médico…
-Dereito a que non se use a propia imaxe, sen consentimento, en medios de comunicación de calquera tipo...
3.2.2.2.- Deberes
-O deber básico é o estudio que se concreta nas seguintes obrigas:
• Asistencia a clase con puntualidade e participación nas actividades que desenrolan os plans de estudios.
• Cumprir e respectar os horarios das actividades
• Seguir as orientacións do profesorado e mostrarlle o debido respecto e consideración.
-Respectar nos demais:
• O dereito ó estudo dos compañeiros. • Liberdade de conciencia
• Conviccións relixiosas e morais • Dignidade
• Integridade • Intimidade
-Non discriminar ós outros por ningunha circunstancia persoal ou social. -Respectar e acatar o PEC e toda a outra normativa interior do Colexio.
-Coidar e utilizar correctamente bens mobles e instalacións do centro así como as pertenzas dos demais.
4- NORMAS DE CONVIVENCIA 4.1.- Aspectos xerais
-As normas de convivencia establecidas no presente Regulamento son de obrigado cumprimento e, polo tanto, inclúense correccións para as condutas contrarias a elas, por parte dos alunmos/as.
-Manterase unha actitude de respecto mutuo entre os membros da comunidade.
-Adoptarase unha actitude de colaboración activa. -Respectaranse as instalacións e materiais do Centro. -Respectarase a intimidade e as pertenzas dos demais.
-As correccións terán carácter educativo e recuperador e garantirán o respecto dos dereitos dos demais, mellorando as relacións.
-Os incumprimentos das normas de convivencia valoraranse considerando as circunstancias persoais de cada alumno/a e para impoñer correccións terase en conta que:
• Non se poderá privar do dereito á educación nin á escolaridade. • Non serán contrarias á dignidade persoal nin á integridade física. • Respectarán a proporcionalidade coa conduta e contribuirán á
mellora do proceso educador.
• Valorarase a idade e circunstancias particulares de cada un: familiares, sociais, económicas...
-Os danos causados repararanse ou pagaranse. Os bens subtraídos repoñeranse. Os pais ou representantes legais serán responsables.
-Consideraranse circunstancias paliativas o recoñecemento da falta e a non intencionalidade.
-Serán circunstancias acentuantes da falta a premeditación; a reiteración; dano, inxuria ou ofensa a compañeiros menores ou recen incorporados e tamén os actos de discriminación.
-Serán obxecto de corrección segundo este Regulamento aqueles actos ocorridos no recinto escolar, durante as actividades complementarias e extraescolares. Tamén tódolos motivados ou relacionados coa vida escolar e que afecten ós outros membros da comunidade educativa, sexan onde sexan.
-O Consello Escolar supervisará o correcto cumprimento das correccións.
4.2.-Normas básicas de funcionamento e convivencia. 4.2.1.-Entradas
-Para as entradas da mañá e do recreo, a sirena soará unha vez. Os alumnos/as agruparanse en filas por cursos nos lugares indicados, baixo o control dos profesores/as de vixilancia, que os mandarán entrar e irán directamente para a aula sen deterse. Os demais profesores/as recibiranos no pasillo ou á entrada da aula.
-Para as entradas das actividades das tardes, os alumnos/as agruparanse diante da entrada do patio cuberto e alí agardarán polas instrucións que o mestre ou monitor correspondente lles dea.
-Os desprazamentos no interior dos edificios realizarase sen correr nin berrar. Cando se baixen ou suban escaleiras, as mochilas de rodas levaranse nas costas ou suspendidas.
4.2.2.-Recreos
-Haberá un recreo entre as 12’05h e 12’35h para todos. Os de E.I. terán un horario flexible.
-En días de choiva o recreo terá lugar no Patio Cuberto (Primaria) e no Ximnasio, aula ou vestíbulo (Infantil), neses lugares só se lles permitirá que xoguen a xogos adecuados á limitación do espazo.
-Haberá permanentemente catro profesores/as vixiando durante o recreo: un, na parte alta e rampla lateral, outro na parte baixa e escaleira exterior lateral, outro vixiará os alumnos/as de E. Infantil e outro o interior do edificio (aulas e pasillos).
-Cando un alumno/a teña algunha necesidade: expoñer unha queixa, ir ó interior do edificio etc. dirixirase sempre ó profesor/a que estea de vixilancia na súa zona.
-Durante os recreos poderase xogar ó balón , un por pista.
-Os alumnos/as non poderán saír do recinto escolar durante o recreo. Se un balón sae fóra, o que o tirou informará ó profesor/a de vixilancia que adoptará as medidas necesarias para recuperalo.
4.2.3 –Saídas
-A sirena toca para avisar ó profesor/a ou monitor da hora de saída. Os alumnos/as non se levantarán nin recollerán até que o profesor/a llelo indique. Este será o último en abandonar a aula, indicará ós alumnos/as cando teñen que saír, tendo en conta que máis adiante poden coincidir varios grupos e formar un “tapón”. Comprobará que non queda ninguén (tamén no recreo) e encamiñará ós alumnos/as cara a porta de saída.
-O profesor/a de E.I. poderá organizar a saída dos seus alumnos/as cuns minutos de anticipación para que os recollan os familiares que os veñan buscar.
-Se se está nunha actividade extraescolar, sairán de acordo coas instrucións que o monitor lles dea e irán ben para a zona de espera do autobús ou para a Biblioteca; salvo que os veñan buscar o pai/ nai/ avós ou calquera adulto con autorización escrita dos anteriores.
-Se existen carteis que o soliciten, en determinados días, procurarán deixar as cadeiras viradas enriba das mesas, para facilitar a limpeza da aula.
-Os alumnos/as sairán sen correr, berrar, empuxar... procurando gardar fila de a un e ó lado dereito cando suban pola escaleira; ó esquerdo, se baixan; dirixiranse ó autobús, se está e, en caso contrario, agardarán dentro do patio a que chegue. Se van andando, abandonarán o Centro por calquera das saídas do recinto.
-Antes da hora de saída, os alumnos/as solo poderán abandonar o Centro se os ven buscar o pai, a nai ou o titor/a legal e llo solicitan ó profesor/a ou titor/a que estea ó cargo do alumno/a nese momento. Deixarán asinado un documento onde figure o nome da persoa que retira ó alumno/a e a data, hora incluída . (Terase en conta a normativa para casos de pais separados: circular nº 1/197 do 3 de marzo da Dirección Xeral de Centros e Inspección Educativa sobre a información ós pais divorciados ou separados dos resultados da avaliación dos seus fillos e escrito da Dirección Xeral de Centros o Inspección Educativa do 29 de xaneiro de 1997 sobre o dereito dos proxenitores a recibir información en certas situacións de separación legal mediante sentenza, etc.)
4.2.4 –Cambios de aula
-Entre clase e clase os profesores/as sairán dunha aula e irán inmediatamente para a outra, tratando de demorar o menor tempo posible.
-Os alumnos/as permanecerán nos seus postos sen alborotar, podendo unicamente levantarse o tempo imprescindible para coller o material necesario para a seguinte materia.
4.2.5- Varios
-Segundo a Orde de 26 de abril de 1990, prohíbese a venda e distribución de tabaco e bebidas alcohólicas. Tamén se prohibe fumar en tódalas dependencias do Centro.
-Desaconséllase o uso de chicles no interior dos edificios e o consumo de calquera outro tipo de alimentos nas aulas, agás auga; salvo que, por motivo dunha celebración ou calquera outra circunstancia, sexa permitido pola persoa responsable nese momento.
-Non se poderán realizar no Centro actividades adicadas ós alumnos/as con fins lucrativos nin expoñer publicidade cos mesmos fins; agás nos casos que pola finalidade educativa ou de axuda a certas actividades docentes, figuren na PXA.
-Fomentarase o uso dos bos modais, a corrección no trato e o uso das regras básicas de urbanidade, con especial atención ó relacionado co vocabulario.
-Non se poderá prolongar a xornada escolar dos alumnos/as sen a autorización escrita dos pais ou titor/a legal.
-Os alumnos/as virán debidamente aseados e vestidos ó Centro. Cando se dea algún aviso de existencia de piollos, todos poñerán a máxima atención para erradicalos.
-Os alumnos/as traerán ó Centro todos os materiais necesarios para o seu traballo pero non traerán obxectos potencialmente perigosos como navallas, botellas de vidro etc.
4.3.-Correccións para as condutas contrarias ás normas de convivencia (antes “faltas leves”)
a- Amoestación privada ou por escrito (aviso) b- Comparecencia ante o Xefe de Estudios. c- Traballos en horario non lectivo.
d- Tarefas para reparar os danos ou mellorar a actividade
e- Expulsión das actividades complementarias ou extraescolares. f- Cambio de grupo (máximo 1 semana).
g- Expulsión dalgunhas clases (máximo 3 días). Con tarefas supletorias. h- Expulsión do Centro (máximo 3 días) Con tarefas supletorias.
-En ningún caso se sacará ó alumno/a da aula para que estea no pasillo, nin se deixará na aula sen que un profesor/a o teña controlado.
-Serán competentes para impoñer as anteriores correccións:
-Os profesores/as do alumno/a, escoitado este e informado o titor/a e Xefe de Estudios, nos casos a- e b-.
-O titor/a, escoitado o alumno/a, nos casos a-, b-, c-, e d-.
-O Xefe de Estudios e o Director, escoitado o alumno/a e profesor/a ou titor/a, nos casos b-, c-, d-, e-, e f-.
-O Director, nos casos g- e h-, escoitado o titor/a, E. Directivo, alumno/a ou pais, e levantando acta. Cando o Director aplique o caso h, informará ós profesores/as afectados. Informará ó Consello Escolar sobre a natureza do conflito e da sanción imposta, xa que o C. E. ten a atribución de “coñecer a resolución de conflitos disciplinarios e a imposición de sancións e velar porque estas se ateñan á normativa vixente” (Este apartado que tiña certas dúbidas legais foi clarificado pola Circular 6/2005 da Dirección Xeral de Centros e O.E. de 14-3-05 na que se informa de que está en vigor o disposto na LOCE)
-A partires do Ap. “c” e, no caso de reiteración, nos Ap. “a” e “ b”, informarase ós pais por escrito.
-Este tipo de condutas prescribe ó mes e as correccións a final de curso. -O alumno/a (ou os pais) poderán reclamar no prazo de 48 horas perante o Delegado, nos casos g- e h-.
4.4.-Condutas gravemente prexudiciais para a convivencia do centro, (antes “faltas graves”).
-Considéranse as seguintes:
• Indisciplina, inxuria ou ofensa grave. • Reiteración de C.C.N.C. no mesmo curso. • Agresión grave física, moral ou discriminación.
• Suplantación de personalidade e falsificación ou subtracción de documentos.
• Actos inxustificados que perturban a normalidade do Centro. • Actuacións prexudiciais para a saúde e integridade das persoas. • Non cumprir as sancións.
4.5.- Correccións para as condutas gravemente prexudiciais para a convivencia do centro.
-Ás condutas anteriores poderánselle aplicar as seguintes correccións, previa a
instrución dun expediente.
• Tarefas fóra do horario lectivo, destinadas a reparar o dano causado ou mellorar a convivencia.
• Expulsión das actividades Complementarias e extraescolares. • Cambio de grupo definitivamente.
• Expulsión dalgunhas clases por mais de 5 días e menos de 2 semanas, con deberes supletorios.
• Expulsión do Centro por mais de 3 días lectivos e menos dun mes. Con tarefas.
• Cambio de Centro.
-Estas condutas prescriben aos catro meses e as correccións a final de curso
4.6.-Faltas de asistencia
-As faltas de asistencia ou de puntualidade reiteradas poden imposibilitar a aplicación correcta dos criterios de avaliación e a avaliación continua.
-Os titores/as levarán rexistro diario das faltas de asistencia dos seus alumnos/as, esixindo a súa xustificación.
-As faltas deberán ser xustificadas de maneira fidedigna o antes posible, persoalmente, telefonicamente ou mediante escrito por parte da persoa responsable do alumno/a. O Centro facilitará un modelo de impreso orientativo. No boletín de cualificacións faranse constar as faltas xustificadas e as inxustificadas e cando as inxustificadas superen o 15% do período lectivo que se está a avaliar, quedará constancia de tal circunstancia na Acta de Avaliación correspondente.
-Cando as faltas inxustificadas superen o 15% do total de horas lectivas, o alumno/a afectado recibirá un apoio extraordinario que será impartido polo titor/a, profesor/a de apoio (P.T) e outros profesores que en cada caso se determine por parte do grupo de profesores/as do Ciclo, especialmente o titor/a e o Equipo de Orientación. (Ver Orde 22-7-97).
-Os casos de faltas reiteradas sen xustificar serán postos en coñecemento do Consello e da Inspección pola Dirección do Centro.
-As familias serán informadas de todo o relacionado coas faltas a comezos de curso.
5.- NORMAS ESPECIAIS DE FUNCIONAMENTO. 5.1.- Libros de texto
1º.-O Equipo Directivo encárgase de xestionar a adquisición dos libros de texto, seguindo as instrucións das autoridades académicas.
2º.-O Secretario sella e numera por lotes os libros. A numeración terá o seguinte formato: 00/00/00, onde as primeiras cifras corresponden ó número de lote, as segundas para o nivel e as terceiras para o ano da inscrición. Os libros de tódalas áreas do mesmo lote levan as mesmas cifras.
3º.-O Secretario inscríbeos no Libro de Rexistro que existe para tal fin, anotando os datos así como os números asignados.
4º.-O Titor/a do grupo envía un escrito a tódolos pais/nais dos seus alumnos/as para que indiquen se desexan acollerse ó programa de gratuidade dos libros e llo devolvan asinado. Pasa os datos ó Equipo Directivo.
5º.-Os libros entréganse ó titor/a para que os reparta entre os alumnos/as-pais/nais que os solicitaron e este anota no Libro de Rexistro o lote que leva cada un e algunha observación concisa sobre o estado de conservación, se procede.
6º.-O alumno/a- pai/nai recibe os libros, fórraos e ponlles unha pegatina, co seu nome e curso.
7º.-O alumno/a non pode facer anotacións de ningún tipo, salvo por indicación especial do profesor/a da materia correspondente: corrección de erros,…
8º.-A finais de curso cada alumno/a- pai/nai entrega o seu lote de libros ó titor/a que o revisa na súa presencia, tomando nota dos posibles desperfectos.
9º.-Se os danos non son graves, que non impidan a súa utilización por outro alumno/a, e só os normais do uso, recólleos e anota a entrega no Libro de Rexistro, así como os desperfectos.
10º.-Se un alumno/a extravía un libro ou o dana de maneira que sexa imposible a súa utilización posterior, a súa familia deberá abonar o seu importe total ou entregar un en perfectas condicións (pode ser usado).
11º.-Se o perde ou inutiliza no último ano, o titor/a poderá aplicar o punto anterior ou deixalo sen efecto en función das circunstancias particulares de cada caso: moi deteriorado polo uso…
12º.-Se un alumno/a de maneira probadamente involuntaria, extravía ou deteriora un libro, o Equipo Directivo, oídos o titor/a e alumno/a, poderá tomar a decisión de liberalo da obriga de pagalo ou entregar outro.
5.2.- Substitucións
-Enténdese por substitución a realización de un ou varios períodos docentes por parte dun profesor/a cun grupo de alumnos/as que nese tempo tiñan que ser atendidos por outro profesor/a, que non o pode facer por unha causa xustificada ou que se atopa ausente.
-Para decidir que profesor/a se debe encargar de realizar a substitución seguirase o proceso que se indica a continuación:
• A comezos de curso farase unha relación dos profesores/as dispoñibles en cada sesión que serán os que non teñan docencia directa.
• En caso de haber varios profesores/as dispoñibles, farán a substitución, de maneira preferente, os que teñan mais horas libres. Se este ven de facer unha substitución ese mesmo día, irá o que lle segue en horas libres…
• Se o profesor/a ausente é un especialista, a substitución será da mesma maneira que para calquera outro profesor/a, pero se o titor/a o desexa terá preferencia para facela.
• Se un grupo de alumnos/as participa nunha saída ou excursión pero o titor/a ou algúns profesores/as dese grupo non van (por seren as saídas e excursións voluntarias para os profesores/as), faranse cargo dos alumnos/as que non participen, ocuparán o posto dos profesores/as ausentes ou irán a realizar de maneira preferente as substitucións e tarefas de vixilancia que lles indique o Equipo Directivo.
5.3.- Vixilancia de recreos
-Cada día catro profesores/as ocuparanse de organizar as entradas e da vixilancia do recreo, de acordo cos turnos que se establezan na PXA.
-Dous profesores/as vixiarán ós alumnos de Primaria no exterior, un na parte alta e rampla lateral, outro na parte baixa e escaleira exterior lateral.
-Outros dous vixiarán os alumnos/as de E. Infantil e o interior do edificio (aulas e pasillos), respectivamente.
-Os profesores/as que vixíen os alumnos/as de Primaria no exterior, vixiarán os alumnos/as de E. Infantil e o interior do Edificio, respectivamente, ó día seguinte.
-En días de choiva o recreo terá lugar no Patio Cuberto (Primaria) e no Ximnasio, aula ou vestíbulo (Infantil), neses lugares só se lles permitirá que xoguen a xogos adecuados á limitación do espazo.
-Durante o recreo os alumnos/as poderán xogar ó balón unicamente nas pistas, un balón en cada unha. Quedando, polo tanto, prohibido o seu uso no Patio Cuberto e arredores do Edificio.
-Será responsabilidade e decisión dos profesores/as o permitir que os alumnos/as utilicen durante o recreo outros materiais para xogos: trécolas, aros, rodas, peonzas …
-Os profesores/as de vixilancia dos patios estarán na súa zona o antes posible e este servizo terá preferencia sobre calquera outro; poderán ir ó interior para acompañar a un alumno/a accidentado e dicirllo ó encargado de vixiar dentro, comunicar calquera incidente a quen proceda… tamén poderán saír do patio para acompañar a un alumno/a a recoller un balón unicamente polo lado do acceso ó Colexio (camiño de Brión).
- Se un balón sae á estrada ou barranco, avisarán a un conserxe para que o vaia buscar. Non deixarán saír a un alumno/a, nin irán eles.
-Unicamente permitirán que un alumno/a abandone o Centro se este o fai acompañado de seu pai, nai ou titor/a legal e comunicaranllo ó titor/a do seu grupo
(terán en conta a normativa para familias separadas).
-Controlarán que as cancelas dos patios estean cerradas. Se detectan a presenza de persoas alleas ó Centro, especialmente se son descoñecidas, dirixiranse a elas para identificalas e averiguar o motivo da súa visita, encamiñándoas ó seu destino, invitándoas a abandonar o recinto e/ou informando de calquera incidente ó Equipo
-Os profesores/as de vixilancia ocuparanse de resolver tódalas incidencias relacionadas coas actividades propias dos recreos: pelexas, conflitos… uso de lugares e materiais, permiso para ir ó aseo etc.
-O profesor/a que vixíe no interior ocuparase de que non permanezan alumnos/as dentro do Edificio, se non están baixo o control do titor/a ou dun profesor/a. Tamén se ocupará de atender ós alumnos/as accidentados, chamar á familia, 112, comunicalo ó E. Directivo etc.
5.4.- Vixilancia e actividades das tardes 5.4.1.- Profesores/as
-O profesor/a que vixía polas tardes ostenta a representación do Centro. É, polo tanto, o ercargado/a de supervisar que toda actividade que teña lugar nel se desenrole dentro da normalidade.
-Para entrar toca a sirena, baixa ó Patio Cuberto e leva tódolos alumnos/as para a Biblioteca, salvo aqueles que teñen o monitor presente. Non deixa marchar a ningún neno/a sen estar o monitor.
-No cambio de sesión entrega ós alumnos/as que vaian a algunha actividade ó monitor/a respectivo e asegúrase de que os que chegan veñan acompañados do monitor co que estiveron.
-Antes da hora de saída só deixa marchar ós que teñan autorización escrita, actualizada e con data ou os veña buscar algún familiar directo.
-Permanecerá na Biblioteca, se ben poderá saír o tempo mínimo imprescindible para realizar algunha xestión (chamar por teléfono, dar un aviso, entregar unha chave,…).
-Á hora da saída, toca a sirena, pecha as portas e agarda fóra ou dentro a que marchen tódolos alumnos do Centro.
-Diante de calquera accidente ou emerxencia actuará segundo as instrucións do R.R.I. e Plan de Evacuación.
-Se un profesor/a non pode realizar a vixilancia un día, ocuparase de realizar o cambio con outro profesor/a.
-Non se permitirán actividades extraescolares enmarcadas na “Programación da Xornada Única” que se prolonguen máis tarde das 18 horas ou non conten coa presenza dun profesor no Centro ata que rematen.
5.4.2.-Monitores/as
-Procurarán ser puntuais (en caso de non poder selo ou ter que faltar, avisarán con antelación ós alumnos/as ou ó Centro)
-Os monitores/as recollerán os alumnos/as na porta de entrada do Patio Cuberto
ou na Biblioteca, en caso de retraso.
-No cambio de actividade (ás cinco) levarán ós alumnos/as do turno das catro á Biblioteca, incluídos os que teñan permiso para marcharse e alí recollerán ós do
seguinte. Poderán deixar marchar a aqueles alumnos/as en presenza do pai/nai ou avós e informarán delo ó profesor/a presente no Centro. Calquera outra persoa que veña recoller a algún alumno/a deberá traer autorización escrita dos pais, que entregará ó profesor/a.
-Velarán polo coidado do material e instalacións e tamén controlarán, no posible, o nivel de ruído e o comportamento dos alumnos/as.
-Comunicarán ó profesor/a da Biblioteca as incidencias máis notables que se produzan no desenrolo da actividade (roturas de material, mala conduta…)
5.5.- Accidente ou emerxencia.
-No caso de accidente ou indisposición dun alumno/a, a persoa responsable del actuará como se indica a continuación:
• Se se trata dun golpe, moverao o mínimo posible e, se ten ferida aberta tratará de deter a hemorraxia usando unha compresa ou similar e auga osixenada.
• Non lle administrará ningún medicamento, nin calquera outra substancia por vía oral, nin o transportará en vehículo particular.
• Avisará o antes posible á familia e, se estima que se trata de algo urxente, chamara ó 112. Se non é posible localizar á familia, chamará ó
112, e se hai que trasladar ó alumno/a acompañarao, sempre que o
permitan as circunstancias.
-No caso de emerxencia por incendio, explosión ou calquera outra catástrofe actuarase segundo as instrucións detalladas no Plan de Autoprotección. En todo caso, é moi importante dar canto antes o sinal de alarma, por calquera medio dispoñible.
5.6.- Excursións e saídas 5. 6.1.- Aspectos xerais
As saídas e excursións estarán destinadas a realizar actividades formativas ou lúdicas enmarcadas dentro do P.E.C., do P.C.C. e da P.X.A.
Servirán para ilustrar conceptos teóricos ou prácticos tratados nas diversas áreas do currículo.
Daráselle en todo momento prioridade ós aspectos relacionados coa seguridade das persoas participantes.
Cada profesor/a avaliará os resultados da experiencia organizada.
A participación será voluntaria tanto para os profesores/as coma para os alumnos/as agás no caso das saídas didácticas ós arredores do Centro (Ap. 2) que serán obrigatorias e gratuítas para os alumnos/as, sempre que non exista declaración expresa e xustificada dos pais ou titores legais en sentido contrario.
Se un profesor/a se compromete a organizar e/ou participar nunha saída ou excursión, mediante a programación correspondente, considérase que está obrigado a
5.6.2.- Planificación
-A comezos de curso o titor/a/ ou profesor/a interesado en realizar unha saída ou excursión deberá presentar a programación correspondente, co fin de incluíla na P.X.A.
De querer organizar unha saída non contemplada na P.X.A., o organizador, coa antelación suficiente, presentará a programación para poder incluíla na P.X.A., nunha revisión trimestral e obter así a autorización correspondente.
Se se presentase a ocasión de realizar unha saída de gran interese pero cun curto espazo de tempo para incluíla na P.X.A., o titor/a presentará a programación ó Equipo Directivo, que podería convocar ó Consello ou consultar ós seus membros de maneira individual para informalos e despois decidir se se autoriza ou non.
5.6.3.- Saídas á localidade ou proximidades
Para as saídas á localidade ou arredores, durante o horario escolar, seguiranse as seguintes normas:
-Incluiranse na P.X.A., alomenos de maneira xeral (non é necesaria a programación detallada).
-A comezos do curso os titores solicitarán a autorización xeral dos pais para participar en tódalas saídas á proximidade do Centro, en horario escolar e gratuítas para os alumnos/as. As autorizacións serán depositadas polos titores xunto coa outra documentación dos alumnos/as e conservarase durante todo o curso.
-Cada vez que se vaia realizar unha saída, o titor/a informará ós pais e daralles a oportunidade de que deneguen a autorización, especialmente se se trata de marchas, probas deportivas, baños na praia, ríos, etc.
-Os gastos, se os houbese, serán cubertos polo Centro.
-Como norma xeral non se levarán os alumnos/as a actos de carácter político, electoral, partidista... tales como inauguracións, asistencia a mitins etc.
5.6.4.-Outras saídas
Presentarase unha programación que incluirá, como mínimo, os seguintes aspectos:
-Hora e lugar de saída e chegada:
-No Centro (preferible)
-Nas paradas
-Número de alumnos/as e de acompañantes (1 cada 20 alumnos e mínimo de 2).
-Lugares a visitar e actividades a realizar, a ser posible con temporización. -Custo aproximado e parte correspondente ó Centro (axuda + acompañantes). -Autorización escrita do pai/nai/titor/a legal do alumnos/as, sen a cal non se lle permitirá participar.
5.6.5.-Axudas
Como norma xeral o Colexio subvencionará a terceira parte dos gastos das excursións e os gastos dos acompañantes ata un total máximo de 250 €, sempre e cando as dispoñibilidades económicas así o permitan.
Se a situación económica do Colexio, a xuízo do Equipo Directivo, non aconsella doar a totalidade da axuda, comunicarase ó/s titor/es ou profesores/as organizadores a cantidade máxima que se podería conceder.
5.6.6.- Uso da imaxe
-Non se poderá usar a imaxe de ningún alumno/a en medios de comunicación
de calquera tipo, sen consentimento dos pais ou titores.
-Cando un alumno/a se incorpore ó Centro facilitarase a todos os pais ou titores
legais un impreso co seguinte texto que deberán cubrir e asinar.
CONCÉDOLLE AUTORIZACIÓN ao C.E.I.P. "Emilio de Navasqüés" para tomar fotografías, gravacións de vídeo ou mediante calquera outro recurso e publicar a imaxe do meu fillo/a na Revista Escolar e/ ou calquera outro recurso educativo ou na páxina web do Centro.
A Revista escolar e calquera outro recurso educativo ou páxina web do Centro son de carácter universal, gratuítos, abertos, estando suxeitos exclusivamente a un uso educativo non comercial. As accións, produtos e utilidades derivadas da súa utilización non poderán, en consecuencia, xerar ningún tipo de lucro.
Por todo elo, así mesmo dou o meu consentimento para que dada a natureza e obxecto dos recursos educativos/páxinas web que desenvolven os centros dependentes da Consellería de Educación e O.U. a súa imaxe poida ser cedida a terceiros, sempre que dita cesión se axuste ás condicións expresadas no parágrafo anterior.
(sinale cun ” X” o que proceda) SI... NON...
5.7.-Uso de espazos e recursos
-Certos espazos de uso común do Centro deberán ser utilizados da maneira
mais intensa posible e para iso determinarase na P.X.A. un método racional de acceso a eles: establecemento de turnos, solicitando e reservando con antelación, uso preferente etc. -Poderán asistir ás actividades das tardes organizadas polo Centro,
Concello e A.P.A. alumnos/as da Escola Unitaria adscrita así como ex-alumnos/as que presenten a solicitude, por escrito, perante a Dirección e obteñan a correspondente autorización que se lles concederá, ou non, previo estudo de cada caso. De seren admitidos, aceptarán e cumprirán tódalas normas establecidas que resulten de aplicación.
perante a Dirección, que informará da decisión oportuna en cada caso despois do seu estudo, incluídos os procesos establecidos de consulta ó C.E. e tramitación á Delegación. Como norma xeral o solicitante deberá comprometerse á correcta utilización e reparación de posibles danos. Para uso ocasional e con carácter excepcional, o director poderá autorizar o uso das instalacións sempre que non se altere o normal desenvolvemento das actividades docentes.
5.7.1.- Biblioteca
-No Centro funciona a Biblioteca onde se atopa depositado o material bibliográfico clasificado por ciclos, por idioma e por tipo.
-Un equipo de profesores/as encargarase do rexistro informático, clasificación e supervisión, en xeral, do material existente ou que se adquira.
-A Biblioteca está a disposición de tódolos alumnos/as e profesores/as do Centro e permanecerá aberta sempre que o estea este.
-Os alumnos que vaian á Biblioteca farano sempre supervisados por un profesor/a.
-Gardarase orde e silencio e os alumnos/as seguirán as instrucións do profesor/a que os acompañe.
-Poderase facer unha distribución na P.X.A. do horario de biblioteca asignado a cada nivel.
-Funciona un servizo de préstamos ós alumnos/as e profesores/as do Centro, excluídos os libros de consulta, para o que existe un Libro de Rexistro onde cada profesor/a se encargará de que se anoten os libros collidos por el ou prestados ós alumnos/as baixo a súa responsabilidade e tamén do control da súa devolución.
-O alumnado non poderá usar o material informático da Biblioteca, salvo por indicación e en presenza dun profesor/a.
-O material tratarase co máximo coidado e evitarase o seu deterioro e extravío, neste caso, adquirirase outro semellante.
-Ademais das normas xerais anteriores, existen unhas normas específicas que regulan o uso desta dependencia polas tardes e que se resumen a continuación.
• Estará aberta de luns a venres e de 16 a 18 horas para tódolos alumnos/as que queiran asistir.
• Poderanse facer deberes, ler, pintar, debuxar… pero deberán traer os materiais necesarios que non existan na Biblioteca.
• Non funcionará o servizo de préstamo de libros para levar para a casa. • Ó saír deixarán todos os materiais e lugares usados perfectamente
recollidos e ordenados.
5.7.2.- Sala de Usos Múltiples, Aulas de Informática e Plástica/ Ludoteca -As Aulas de informática e Plástica/Ludoteca estarán a disposición dos
alumnos/as pero sempre supervisadas por un profesor/a do Centro. -Estableceranse turnos de asistencia para cada nivel e/ou área.
-Un profesor/a do Centro encargarase de manter os materiais destas aulas en perfecto uso, procedendo a realizar as xestións necesarias para efectuar reparacións, actualizacións, etc., baixo a supervisión do E.D.
-A Sala de Usos Múltiples, acondicionada como Ximnasio, poderá ser utilizada para outros fins (conferencias, festivais etc.) pero tratando de ocasionar a menor alteración posible á área de Educación Física. Por outro lado, o profesor/a de E. F. tratará de sacar o máximo rendemento posible as instalacións municipais próximas ó centro
5.7.3.-Material:
-Todo o material didáctico, audiovisual, informático e de calquera outro tipo pertencente ó Centro deberá ser usado da maneira o mais racional e intensa posible, tratando de que beneficie a todos os alumnos/as.
-Na P.X.A. figurará a programación e composición do equipo ou persoa que se ocupa da xestión do material audiovisual e informático. Deberá ter como obxectivo fundamental a adquisición, mantemento, asesoramento no uso..., destes aparellos.
-Estableceranse turnos para o uso, cando exista moita demanda.
-O material máis delicado (cámaras de vídeo e de fotos, kit multimedia…) depositarase en Dirección e o interesado/a no seu uso pedirallo directamente ó E.D.
-O material deportivo estará ó cargo do profesorado de E.F., que o poderá prestar ós alumnos/as durante o recreo, seguindo uns criterios lóxicos para o seu bo uso.
-Cando sexa necesario o material ou instalacións para as actividades extraescolares, os monitores serán os encargados do uso correcto dos mesmos, debendo informar ó profesor/a responsable nese momento de calquera incidente relacionado con el.
-Despois de que un profesor utilice os materiais didácticos de uso común, ocuparase de que sexa depositado de novo no seu lugar de almacenamento.
-Outros materiais do Centro como a fotocopiadora, Fax e teléfono serán utilizados para fins propios da actividade do mesmo de maneira preferente; non obstante, permítese o uso particular e esporádico deles, abonando a cantidade correspondente.
-A maioría do material aludido neste apartado debe ser levado á aula e recollido polo servizo de Conserxería.
5.8.-Servizos Complementarios e Persoal Non Docente. 5.8.1.- Transporte
-O servizo de transporte réxese pola normativa establecida polas Autoridades Académicas.
-Cando algún membro da comunidade educativa teña coñecemento dalgunha irregularidade ou incidente relacionado co Transporte deberá informar á Dirección do
Centro, que tratará de aclarar os feitos e/ou poñelos en coñecemento de quen corresponda.
-Os alumnos/as que, tendo dereito a el, renuncien a usar o servizo de Transporte deben presentar por escrito no Centro unha autorización paterna.
-As funcións básicas dos acompañantes atópanse no RD 443/01 BOE 2/5/01, (Art. 8) e que poderían sintetizarse nas seguintes:
a) Coidar a seguridade dos menores durante o transporte e evitar que se produzan altercados durante as viaxes.
b) Encargarse das operacións de acceso e abandono do vehículo
c) Encargarse da recollida e acompañamento dos alumnos/as dende e ata o interior do recinto escolar.
d) Control diario mediante listado dos nenos/as que son recollidos en cada parada.
e) Comunicar ós pais ou titores correspondentes e á Consellería de Educación e O.U. calquera incidencia que atinxa ós alumnos/as durante os transporte ou nos momentos de acceso e abandono do vehículo.
f) Manexo e utilización dos mecanismos de seguridade do vehículo. g) Coordinación das operacións de evacuación do vehículo e atención ós feridos, no seu caso, cando se produzan avarías ou accidentes de circulación.
h) Aceptar o control e inspección da Consellería de Educación e O.U. sobre o servizo de acompañamento levado a cabo nos seus autocares.
-O Consello Escolar, dentro das súas atribucións, velará polo correcto funcionamento deste Servizo.
5.8.2.- Conserxería
O persoal non docente encargado do servizo de Conserxería realizará as seguintes tarefas:
-Estar no Colexio vinte minutos antes da entrada e permanecer nel ata que non quede ningunha persoa á hora da saída.
-O chegar ó Centro, se é necesario, acenderá a calefacción, abrirá o Edificio e estará na Conserxería ou onde puntualmente se lle indique.
-Custodiar as instalacións, dependencias e materiais.
-Control do acceso de persoas. Se son alleas ó Centro, recibir as súas peticións e indicarlles a quen e en que momento deben dirixirse.
-Recibir, custodiar, trasladar e distribuir os documentos, obxectos ou correspondencia que lle sexa solicitado polo profesorado ou E.D., dentro do Centro ou na localidade.
-Manexar máquinas copiadoras, medios audiovisuais...realizando as anotacións necesarias e velando polo seu perfecto funcionamento. Avisará a quen proceda, en caso de avaría, por indicación do E.D.
-Atender e coidar dos alumnos/as en certas situacións, dentro do horario lectivo e por solicitude do profesorado ou E.D.
5.8.3.- Limpeza
Na P.X.A. elaborarase unha programación detallada deste servizo para cada curso, tendo en conta as particularidades de uso e función das diversas dependencias.
O persoal non docente encargado do servizo de limpeza levará a cabo as seguintes tarefas:
-Realizará limpeza de todas as dependencias do Colexio, varrendo, sacando o po e fregando coa frecuencia que se lle indique para cada espazo.
-Atenderá as emerxencias que se produzan por indisposición de calquera persoa.
-Manterán os produtos de limpeza en lugar e forma inaccesibles para os alumnos/as.
5.9.- Entrevistas:
-As entrevistas dos pais cos profesores/as ou Equipo Directivo terán lugar no horario e condicións que se establezan na PXA para cada curso. Excepcionalmente unha das partes poderá solicitar unha entrevista fora dese horario; esta, en todo caso, sempre terá lugar cando o profesor/a non estea nun período de docencia directa e, se pola urxencia do asunto, non se puidera aprazar, solo se tería se previamente se organiza unha substitución do profesor/a afectado por parte dun que non teña clase nese momento.
-Terase en conta a normativa para casos de pais separados: circular nº 1/197 do 3 de marzo da Dirección Xeral de Centros e Inspección Educativa sobre a información ós pais divorciados ou separados dos resultados da avaliación dos seus fillos e escrito da Dirección Xeral de Centros o Inspección Educativa do 29 de xaneiro de 1997 sobre o dereito dos proxenitores a recibir información en certas situacións de separación legal mediante sentencia, etc.
5.10.-Coordinación dos equipos e información.
-Na P.X.A. de cada curso elabórase unha relación dos compoñentes de cada equipo, desígnase un coordinador e elabórase xunto coa programación respectiva un calendario de reunións.
-As reunións teranse na data e hora programadas pero, de non facelo por motivo de forza maior, teranse o antes posible.
-Cando sexa urxente tomar algunha decisión importante para o funcionamento do Centro en calquera aspecto, teranse as reunións extraordinarias do equipo afectado ou comisión que sexan necesarias.
-Poderanse celebrar reunións conxuntas de varios equipos se así o require o asunto a tratar.
-Cando se reciba información no Centro que poida ser do interese dos membros da comunidade educativa, procederase como segue:
-Se é recibida por correo ordinario ou teléfono expoñerase no taboleiro de anuncios correspondente ou deixarase na mesa da Sala de Profesores/as.
Se se trata de mensaxes de correo electrónico, reenviarase á conta persoal de cada profesor/a, para que sexa consultada alí ou establecerase unha “carpeta compartida” con acceso para todo o profesorado ou persoal afectado.
