ALUMNI
“Husi almamater ida, ho neon
ida, hamutuk
nu’udar
roman ba Timór-Leste”
I. Perfíl Alumni
Universidade Nacional Timor Lorosa’e (UNTL) nu’udar Universidade Estatál úniku iha Repúblika Demokrátika Timor-Leste ne’ebé funda iha tinan 2000 husi Universitas Timor-Timur no Politeknik Dili. Durante ninia ezisténsia, gradua ona rekursu umanu ho totál 9847 husi tinan 2003 to’o fulan maiu tinan 2014. Númeru alumni Universidade Nacional Timor Lorosa’e projeta iha gráfika tuir mai.
GRÁFIKA 1.1.
NÚMERU ALUMNI UNTL BAZEIA BA TINAN GRADUASAUN
Bazeia ba grafika 1.1. hatudu katak Universidade Nacional Timor Lorosa’e produz estudante ho númeru kiik liu iha tinan 2003 no númeru boot liu iha tinan 2009. Husi gráfika ne’e mós hatudu katak, númeru média alumni bazeia ba kada tinan graduasaun mak 1231 la inklui fulan maiu tinan 2014.
387 1067 2030 1917 1120 1449 1479 400 2003 2007 2009 2010 2011 2012 2013 Maiu 2014 Númeru Alumni
Departamento de Estudantes, Alumni e Empregabilidade
GRÁFIKA 1.2.
NÚMERU ALUMNI TUIR FAKULDADE
Alumni UNTL husi graduasaun dahuluk to’o dasanuluk resin ida mak tanesan: 1. Faculdade de Educação, Artes e Humanidades (FEAH) hamutuk 2950 2. Faculdade de Ciência Sociais (FCS) hamutuk 1705;
3. Faculdade de Economia e Gestão (FEG) hamutuk 1637;
4. Faculdade de Medicina e Ciência da Saúde (FMCS) hamutuk 1267; 5. Faculdade de Agricultura (FA) hamutuk 1232;
6. Faculdade de Engenharia, Ciência e Tecnologia (FECT) hamutuk 1038; 7. Faculdade de Direito (FD) hamutuk 45.
Husi dadus iha gráfica leten hatudu katak númeru alumni Fakuldade Edukasaun, Arte no Umanidade mak aas tebes no númeru alumni Fakuldade Direitu mak kiik tebes.
GRÁFIKA 1.3.
PERSENTAJEN ALUMNI UNTL BAZEIA BA JÉNERU
FEAH FCS FEG FMCS FA FECT FD
2950 1705 1637 1267 1232 1038 45 61% 39% Mane Feto
Persentajen alumni feto Universidade Nacional Timor Lorosa’e mak 31% no mane 61% husi totál alumni iha ámbitu graduasaun dahuluk to’o dasanuluk resin ida.
TABELA 1.1.
PERSENTAJEN ALUMNI KADA FAKULDADE BAZEIA BA JÉNERU
No Faculdade Mane (%) Feto (%) Totál (%) 1 Agricultura 64 36 100 2 Ciência Sociais 68 32 100 3 Direito 69 31 100 4 Economia e Gestão 53 47 100
5 Educação, Artes e Humanidades 57 43 100
6 Engenharia, Ciência e Tecnologia 82 18 100
7 Medicina e Ciência da Saúde 49 51 100
Bazeia ba tabela iha leten hatudu katak persentajen alumni feto ne’ebé menus liu no mane aas liu mak Fakuldade Enjeñaria no Siénsia Teknolojia. No persentajen alumni feto ne’ebé liu uitoan alumni mane mak Fakuldade Medisina no Siénsia Saúde.
TABELA 1.2 DETALLU DADUS ALUMNI
II. AKOLLAMENTU DADUS ALUMNI UNTL
Alumni UNTL ne’ebé hadomi UNTL
Universidade Nacional Timor Lorosa’e (UNTL), agora dadaun hala’o atividade akollamentu dadus kona-ba perfíl alumni iha mundu empregu iha sosiedade Repúblika Demokrátika Timór-Leste ka rai liur. Realizasaun atividade ne’e nu’udar sasukat ida hodi buka hatene eis-estudante sira iha empregu no dezempregu atu sai nu’udar referénsia importante ba Universidade iha prosesu formasaun, edukasaun, produsaun no polítika sustentável. Tan ne’e, UNTL agradese no apresia tebes ba kolaborasaun no kontribuisaun husi alumni hotu-hotu atu prenxe formuláriu akollamentu dadus alumni ne’ebé ita boot sira sei
download rasik iha website www.untl.edu.com. Iha mós prosesu balun ne’ebé ita boot sira hatene antes atu
prenxe formuláriu mak:
1. Alumni UNTL ne’ebé gradua iha tinan 2003, 2007, 2009, 2010, 2011,2012, 2013 no maiu 2014; 2. Download formuláriu iha formatu Microsoft Word;
3. Prenxe formuláriu depois haruka ba Email : alumni@untl.edu.tl
4. Alumni ne’ebé la servisu prenxe profisaun katak dezempregadu no husi mamuk pozisaun;
5. Alumni ne’ebé servisu iha tinan anteriór maibe la servisu fali iha tempu agora bele prenxe profisaun no pozisaun maibe hakerek iha sorin dehan agora la servisu ona.
6. Karik alumni sei iha prosesu kontinuasaun estudu ba pozgraduasaun ka mestradu mak presiza prenxe grau estudu kontinua, espesialidade no iha Universidade no nasaun ne’ebé.
7. Karik alumni ne’e remata ona estudu iha nível pozgraduasaun, mestradu ka doutoramentu bele prenxe hotu no hakerek mós iha laran katak ho sertifikadu.
