NORMAS DE ORGANIZACIÓN E
FUNCIONAMENTO (NOF)
*1.- PREÁMBULO
Este documento actualiza o regulamento interno que existía no curso pasado. Constitúe unha modificación que ten por finalidade adecuar os modelos de organización e funcionamento á normativa vixente e aos criterios de actuación marcados pola comunidade educativa deste centro. No presente ano académico débese avanzar na reflexión e no perfeccionamento normativo referido á convivencia, á participación, á organización e ao traballo en equipo.
As Normas de organización e funcionamento (NOF) deberán profundar na cultura da mediación e na resolución pacífica dos conflitos. Ademais, promoverán estratexias de prevención que axuden a socializar ao alumnado nun civismo democrático. Fica aberto o camiño para a reflexión e a perfección destas normas que teñen que ser avaliadas e melloradas nos sucesivos consellos escolares co consenso do profesorado coa ANPA e co alumnado.
2.- DEREITOS E DEBERES DO ALUMNADO
Os dereitos e deberes do alumnado recóllense na “Lei 4/2011, do 30 de xuño, de convivencia e participación da comunidade educativa” (DOG, nº 136, 15-7-2011) que no título II, artigo 7.
DEREITOS BÁSICOS DO ALUMNADO
1.- Recoñécenselle ao alumnado os seguintes dereitos básicos de convivencia escolar, sen prexuízo dos establecidos nas leis orgánicas de educación:
a) A recibir unha formación integral e coeducativa que contribúa ao pleno desenvolvemento da súa personalidade nun ambiente educativo de convivencia, liberdade e respecto mutuo.
b) A que se respecten a súa identidade, integridade e dignidade persoais.
c) Á protección integral contra toda agresión física ou moral, e en particular contra as situacións de acoso escolar.
d) A participar directamente no proceso educativo cando sexa consultado pola Administración educativa, nos termos previstos no título IV da Lei 4/2011, do 30 de xuño.
e) A participar na confección das normas de convivencia e na resolución pacífica de conflitos e, en xeral, a participar na toma de decisións do centro en materia de convivencia.
DEBERES BÁSICOS DE CONVIVENCIA DO ALUMNADO
a) Participar e colaborar na mellora da convivencia escolar e na consecución dun adecuado clima de estudo no centro, respectando o dereito dos seus compañeiros ou compañeiras á educación.
b) Respectar a dignidade e as funcións e orientacións do profesorado no exercicio das súas competencias, recoñecéndoo como autoridade educativa do centro.
c) Respectar a liberdade de conciencia, as conviccións relixiosas e morais, a igualdade de dereitos entre mulleres e homes e a dignidade, integridade e intimidade dos restantes membros da comunidade educativa.
d) Respectar as normas de organización, convivencia e disciplina do centro docente.
e) Conservar e facer un bo uso das instalacións e dos materiais do centro.
f) Intervir, a través das canles regulamentarias, en todo aquilo que afecte á convivencia dos seus respectivos centros docentes.
g) Seguir as directrices do profesorado respecto da súa educación e aprendizaxe.
3.- DEREITOS E DEBERES DO PROFESORADO
(Lei 4/2011, do 30 de xuño, título II, artigo 8)
DEREITOS DO PROFESORADO
a) A ser respectado, recibir un trato adecuado e ser valorado polo resto da comunidade educativa e pola sociedade en xeral no exercicio das súas funcións.
b) A desenvolver a súa función docente nun ambiente educativo adecuado no que se preserve en todo caso a súa integridade física e moral.
c) A participar e recibir a colaboración necesaria para a mellora da convivencia escolar e da educación integral do alumnado. d) A que se lle recoñezan as facultades precisas para manter un
adecuado ambiente de convivencia durante as clases e as actividades e os servizos complementarios e extraescolares. e) Á protección xurídica adecuada ás súas funcións docentes. f) A participar directamente no proceso educativo cando sexa
consultado pola Administración educativa, nos termos previstos no título IV da citada lei.
g) A acceder á formación necesaria na atención á diversidade e na conflitividade escolar e recibir os estímulos máis axeitados para promover a implicación do profesorado en actividades e experiencias pedagóxicas de innovación educativa relacionadas coa convivencia e a mediación.
DEBERES DO PROFESORADO
a) Respectar e facer respectar as normas de convivencia escolar e a identidade, integridade e dignidade persoais de todos os membros da comunidade educativa.
b) Adoptar as decisións oportunas e necesarias para manter un adecuado ambiente de convivencia durante as clases e as actividades e os servizos complementarios e extraescolares, corrixindo, cando lle corresponda a competencia, as condutas contrarias á convivencia do alumnado ou, no caso contrario, poñéndoas en coñecemento dos membros do equipo directivo do centro.
c) Colaborar activamente na prevención, detección e erradicación das condutas contrarias á convivencia e, en particular, das situacións de acoso escolar.
d) Informar ás nais e pais ás titoras ou titores sobre o progreso da aprendizaxe e integración socioeducativa dos seus fillos ou fillas ou pupilos ou pupilas, cumprindo as obrigas de dispoñibilidade dentro do horario establecido no centro para a atención a aqueles que lle impoña a normativa aplicable.
e) Informar aos responsables do centro docente e, de ser o caso, á Administración educativa das alteracións da convivencia, gardando reserva e sixilo profesional sobre a información e as circunstancias persoais e familiares do alumnado.
4.- DEREITOS E DEBERES DO PERSOAL DE ADMINISTRACIÓN E DE SERVIZOS
(Lei 4/2011, do 30 de xuño, título II, artigo 9)
DEREITOS DO PAS
a) A ser respectado, recibir un trato adecuado e ser valorado polo resto da comunidade educativa e pola sociedade en xeral no exercicio das súas funcións.
b) A desenvolver as súas funcións nun ambiente adecuado no que se preserve en todo caso a súa integridade física e moral. c) A participar, no exercicio das súas funcións, na mellora da
convivencia escolar.
d) Á protección xurídica adecuada ás súas funcións.
e) A participar directamente no proceso educativo cando sexa consultado pola Administración educativa, nos termos previstos no título IV da Lei 4/2011.
DEBERES DO PAS
a) Respectar e colaborar, no exercicio das súas funcións, para facer que se respecten as normas de convivencia escolar e a identidade, integridade e dignidade persoais de todos os membros da comunidade educativa.
b) Colaborar activamente na prevención, detección e erradicación das condutas contrarias á convivencia e, en particular, das situacións de acoso escolar.
c) Informar aos responsables do centro docente e, de ser o caso, á Administración educativa das alteracións da convivencia, gardando reserva e sixilo profesional sobre a información e as circunstancias persoais e familiares do alumnado.
d) Gardar sixilo e confidencialidade respecto das actuacións relacionadas co ámbito educativo das que teña coñecemento.
5.- ORGANIZACIÓN E CONVIVENCIA
1- O alumnado deberá asistir á clase con puntualidade e participar nas actividades orientadas ao desenvolvemento do plan de estudos do centro. Cumprir e respectar os horarios das actividades seguindo as orientacións do profesorado e mostrándolle o debido respecto e consideración, respectando ao tempo o dereito ao estudo dos seus compañeiros/as.
2.- O profesorado que exerza o labor de titor/a será o responsable de controlar as faltas do alumnado e de comunicarllas ás nais, aos pais ou aos titores/as. Comunicaranse as faltas de asistencia non xustificadas no prazo máximo dunha semana.
No caso de alumnado maior de idade, este poderá xustificar as súas faltas de asistencia de xeito documentado. Consideraranse faltas xustificables as recollidas no punto 2.4. das instrucións do Protocolo educativo para a prevención e o control do absentismo do 31 de xaneiro do 2014 da Dirección Xeral de Educación e Formación Profesional e Innovación Educativa.
3.- As faltas de asistencia sen xustificar poderán motivar a imposibilidade da aplicación ordinaria dos criterios xerais de
avaliación nunha área ou materia. Con todo, isto ten que quedar ben regulado nas programacións respectivas e asemade explicitaranse os sistemas extraordinarios de seguimento e avaliación para este alumnado.
Como norma xeral, establécese o número de faltas de asistencia que dará lugar ás actuacións conforme a seguinte táboa:
Nas materias de catro horas semanais, o titor ou titora enviaralle un apercibimento por escrito ao alumno ou alumna cando teña catro faltas sen xustificar. Ao completar oito faltas sen xustificar, enviaralle un segundo apercibimento. De alcanzar as doce faltas, comunicaralle a perda do dereito de aplicar os criterios xerais de avaliación.
Nas materias de tres horas semanais, farase o descrito no parágrafo anterior aplicando a seguinte secuencia: 3 faltas, 1º apercibimento; 6 faltas, 2º apercibimento; 9 faltas, perda do dereito de aplicación dos criterios xerais de avaliación.
Nas materias de dúas horas semanais: 2 faltas, 1º apercibimento; 4 faltas, 2º apercibimento; 6 faltas, perda do dereito de aplicación dos criterios xerais de avaliación.
Nas materias dunha hora semanal: 1 falta, 1º apercibimento; 2 faltas, 2º apercibimento; 3 faltas, perda do dereito de aplicación dos criterios xerais de avaliación.
4.- Se un alumno ou alumna chega tarde, deberá ser admitido/a na clase, anotándolle o profesor ou profesora o conseguinte atraso (agás se o atraso fose xustificado). Tres atrasos computaranse como unha falta de asistencia e constituirán unha falta leve contra as normas de convivencia que será tratada e sancionada como tal.
Serán non xustificables tamén as faltas do alumnado que, estando no centro –no mesmo día e noutras materias–, decida faltar a algunha materia aínda que sexa con intención de estudar para algún exame.
5.- Cando un profesor/a envía o alumnado á xefatura de estudos, debe levar un informe asinado polo/a profesor/a respectivo/a, que terá a mesma valía independentemente de quen sexa o/a docente. O alumno/a non pode estar fóra toda a hora, polo tanto será devolto á aula pois este sempre terá que estar atendido polo profesorado respectivo. En casos excepcionais poderase enviar un/unha alumno/a co informe pertinente e o traballo específico para esa hora, que logo será corrixido polo profesorado respectivo. Establecerase un protocolo con tres copias do informe para que estean suficientemente informados de cada caso concreto tanto o/a titor/a, o xefe de estudos como o profesorado afectado pola incorrección de comportamento.
No caso extraordinario de ter alumnado na porta da aula durante cinco minutos para que reflexione sobre o seu comportamento, o profesorado respectivo é responsable da súa vixilancia, polo que deberá manter a porta aberta para ter o alumnado á vista.
6.- O alumnado que se achegue ao centro en transporte escolar deberá estar sempre no recinto do instituto dende que chega até que sobe de novo ao transporte. Só poden saír do recinto os alumnos de bacharelato nos recreos con previa autorización dos titores familiares.
7.- Segundo a Lei 7/2004, do 16 de xullo, de igualdade da muller (DOG 3/8/2004), non se permitirá ningunha forma de machismo, misoxinia ou calquera outra desigualdade entre alumnos e alumnas que supoñan unha falta de respecto á identidade e á imaxe das mulleres, por máis que sexan crenzas, prexuízos, tradicións ou costumes transmisores sustentados, directa ou indirectamente, nunha distribución estereotipada de papeis entre os sexos ou nunha imaxe de dominación dun sexo sobre o outro en calquera ámbito da vida.
No caso de producirse algún conflito deste tipo, será considerado como falta gravemente prexudicial para a convivencia no centro.
8.- A biblioteca é un lugar dedicado exclusivamente ao estudo e á lectura, sendo necesario manter o silencio que permita a lectura do resto das persoas usuarias. Nalgúns casos pode ser utilizada para algún tipo de actividade práctica dalgunha materia; nese caso o alumnado que non pertenza a ese grupo absterase de intervir ou perturbala.
9.- Está prohibido beber e comer nas aulas, na biblioteca e nos corredores, calquera tipo de lambetadas ou alimentos incluíndo o mascar chicles, pipas etc. Só se permite no bar e no recinto exterior, e por razóns de hixiene e decoro, deberán tirarse nas papeleiras os envoltorios e envases. Só para cando chova, delimitarase un espazo para comer os bocadillos ou outros alimentos no corredor principal: só diante do bar, nunca nos corredores, na entrada do instituto, nas clases nin noutros sitios.
10.- O 1 de xaneiro de 2005 quedou prohibido fumar tabaco ou calquera outra substancia adictiva en todo o recinto escolar a calquera persoa, independentemente da súa idade. A infracción deste punto será comunicada ás familias e sancionada como unha conduta contraria ás normas de convivencia.
11.- Os delegados/as con apercibimentos reiterados poderán ser revogados do seu cargo se así o decide o conxunto de alumnado da aula correspondente, comunicándose esta decisión ao titor/a e á xefatura de estudos.
12.- Como norma xeral, nos próximos cursos, a partir dos primeiros quince días de curso non haberá cambios de matrícula, listados, horarios…, co fin de fixar o antes posible a organización do centro. Na primeira semana do curso daráselle publicidade e oficialidade aos listados en cada aula onde se amosen as materias optativas.
13.- Débese recordar ás nais e pais a necesidade de seguimento do alumnado ao longo do curso, non só na parte final. Anímase a non deixar a cuestión do seguimento escolar para a última semana do curso ou unha semana antes de cada avaliación, que é cando o profesorado está moi ocupado e non se podería informar a todos/as do tema das notas ou das faltas de asistencia.
6.- NORMAS XERAIS DE FUNCIONAMENTO
1- O alumnado debe permanecer na aula, coa debida orde esperando o profesor/a, ou en ausencia deste ao profesorado de garda, que se fará cargo do grupo pasando lista e anotando o alumnado ausente.
Se non chega o profesorado de garda, a persoa delegada do grupo deberá comunicarllo a un cargo directivo, que lle dará as instrucións oportunas.
2- Nos intercambios de clase o alumnado permanecerá na aula coa debida compostura e respecto, tanto do material como dos/as compañeiros/as, ou, no caso de saír ao corredor porque teña que cambiar de aula, deberá manter a mesma corrección, sen berrar, comer ou rifar.
Para evitar a desaparición de obxectos e pertenzas dos demais nin culpabilizar a outros/as da deterioración da propia aula, ningún alumno/a entrará libremente en aula allea.
3- Á entrada da mañá e da tarde o alumnado permanecerá no patio cuberto ou na cafetaría e entrará na aula cinco minutos antes das 8:45 ou das 16:30. O alumnado permanecerá na aula coa debida orde e a porta aberta, agardando ao profesor ou profesora correspondente ou ao profesorado de garda.
4- Para evitar deterioracións e faltas de obxectos persoais, o alumnado non permanecerá nas aulas nin nos corredores durante os recreos. En caso de que o profesorado permita ao alumnado permanecer na aula durante os recreos, deberase facer cargo deste alumnado. Así mesmo, tampouco poderá permanecer na zona do patio que comprende do regueiro para o sur, incluso durante a realización de actividades complementarias ou extraescolares. O alumnado de bacharelato poderá permanecer durante os recreos só para estudar custodiado polo profesorado de garda de recreo e facendo
ao alumnado. En caso de incumprimento desta norma, recibirá un apercibimento verbal a primeira vez; se fose reincidente, terá un apercibimento por escrito. No caso de nova reincidencia, será o observatorio de convivencia escolar e a dirección os que decidirán a sanción aplicable.
5- Non se pode saír do centro en horas lectivas, só se permite a saída ao exterior do recinto ao alumnado de bacharelato durante os recreos previa autorización dos pais, nais ou titores legais. Se algún alumno/a da ESO necesitase comprar algo na librería exterior, pedirá permiso á xefatura de estudos ou ao cargo directivo que nese momento estea no centro. En caso de estaren estes ocupados, dará o permiso o profesorado de garda. O alumnado deberá avisar á mesma persoa que lle deu o citado permiso cando regrese.
Só se deixará ir ao servizo, en horario lectivo, en situación de necesidade imperiosa.
6- Por obvias razóns de hixiene e decoro deberase manter a aula limpa, poñendo especial interese en non botar nada ao chan, en especial xiz. Procurarase non facer garabatos na cortiza do taboleiro de anuncios nin lixar as paredes.
7- Para evitar desperfectos e deterioracións da aula (mesas, cadeiras, persianas etc.) que non sexan causados polo desgaste normal do seu uso, o titor/a a inicos e finais de curso fará un inventario do estado da aula para valorar desperfectos e actuar en consecuencia. Os danos serán reparados polas persoas responsables, sendo ademais sancionadas se a súa acción así o
requirise. No caso de que non se puidesen identificar os/as responsables, será reparado pola totalidade do grupo.
Cando unha aula estea chea de porcallada, pecharase e deixarase para limpar no día seguinte polo propio grupo que a deixou nesas condicións. A limpeza farase durante o recreo baixo a supervisión do profesorado de garda. En función de previr cuestións de saúde do profesorado e alumnado, fica prohibido o emprego de produtos químicos e/ou desodorizantes por riba da roupa ou no aire. As correccións que consistan na limpeza de aulas deben facerse, xa que logo, durante os recreos con presenza do profesorado e sen utilizar produtos químicos.
8- Para facilitar a atención, a aprendizaxe e evitar conflitos como norma xeral está prohibido ter activados os aparellos electrónicos no centro: teléfonos móbiles, radios, MP e calquera aparello eléctrico ou electrónico, incluídos os punteiros de láser.
Polo tanto, enténdese que non poden estar acesos en todo o recinto, incluído nesa prohibición os intermedios ou os cambios de clase e as horas de garda de profesorado por ausencia do titular. Tan só se permite usar estes aparellos electrónicos durante o tempo dos dous recreos diarios. Ademais, considérase unha excepción a esta norma que o alumnado estea traballando con eses instrumentos sempre baixo a responsabilidade do profesorado. Por outra parte, nas actividades complementarias de tipo cultural que impliquen gardar silencio, como teatro ou concertos, está prohibido ter acesos os devanditos aparellos electrónicos.
A súa utilización inadecuada implicará que o profesorado retire o aparello, que quedará na xefatura de estudos até que o
vez deberán vir a recollelo os pais/nais ou titores legais, a terceira vez farano ao final do trimestre ou avaliación e a cuarta vez devolveráselles a final de curso.
9- As actividades deben organizarse por ciclos educativos e se algunha, polas súas características especiais, fai necesario mesturalos, deberá contar coa aprobación previa do consello escolar (C.E. 02/12/08). Deberase remitir por e-mail con quince días de antelación á vicedirección unha comunicación das actividades extraescolares que impliquen saída do centro, na que consten cuestións organizativas tales como o esquema da actividade, as reunións co alumnado ou cos pais e nais e as comunicacións coas familias ou a información do proxecto económico. Para as actividades extraescolres realizadas dentro do centro educativo, a comunicación á vicedirección farase con oito días de antelación como mínimo. Exceptuaranse as actividades organizadas pola dirección do centro. A asistencia ás actividades complementarias será obrigatoria para o alumnado sempre que non supoña gasto para este.
O alumnado con apercibimentos reiterados ou por faltas non xustificadas non poderá participar nas actividades extraescolares, agás en circunstancias moi especiais, que serán avaliadas polo observatorio de convivencia aplicando a regulación explicitada no punto 7 (Normas disciplinarias) destas NOF.
O alumnado cunha falta grave non asistirá ás actividades desde un mes a un trimestre, segundo considere o observatorio de convivencia.
10- As viaxes de fin de ciclo da ESO realizaranse só se hai profesores responsables desta actividade e preferentemente antes do 30 de abril, procurando sempre non alterar o calendario de exames finais.
11- En 2º de bacharelato poderanse facer en horario lectivo actividades complementarias, propostas polos departamentos didácticos e/ou polo equipo directivo, sempre e cando o profesorado que imparta materias nas horas en que se realice a actividade estea de acordo en ceder a súa clase para a realización desa tarefa. A partir do 30 abril, preferentemente, non se farán actividades extraescolares en bacharelato, aínda que se debe ter en conta o potencial consentimento do profesorado para realizar esa actividade. Dadas as circunstancias especiais deste nivel, o claustro recomenda racionalizar, estudar unha secuenciación acaída destas durante todo o curso e, no posible, contar co consenso do profesorado afectado.
12- En caso de indisciplinas durante a viaxe, o profesorado acompañante pode tomar a determinación de enviar de retorno ao alumnado causante desta ou suspender a actividade.
13- O alumnado, cando teña previsto exercer o dereito a reunión ou a folga, debe informar ao centro dese propósito polo menos con dous días de antelación e entregar unha autorización da nai/pai ou titor legal polo menos o día anterior. Os modelos de solicitude estarán a disposición do alumnado na conserxería ou na páxina web do instituto e a autorización será recollida polo titor/a.
14- O profesorado debe axustar os exames ao horario previsto, sexa na súa hora lectiva ou noutra negociada co resto do profesorado implicado no horario. Así mesmo, para evitar colisionar co dereito de folga do alumnado, procurará, na medida do posible, non fixar datas de exame coincidindo con datas de folga.
15- O profesorado que non teña alumnado na aula de convivencia terá que reforzar as gardas correspondentes a esa hora. Cando un profesor/a deixe de pertencer ao consello escolar no percurso dun ano académico, a posible hora de redución horaria por pertencer a ese organismo será substituída por outra de garda. Así mesmo, do profesorado que imparte 2º de bacharelato, unha vez rematadas as clases dese ciclo, o seu horario será adaptado con gardas ou outras necesidades semellantes do centro.
16- O alumnado repetidor de bacharelato que non poida asistir a algunha materia xa aprobada no curso anterior deberá estar na biblioteca baixo a tutela do profesorado que nesas horas atenda esta. Cando non haxa profesorado que atenda estas horas de garda na biblioteca, deberá asinar un documento semanal no que se comprometa a estar na biblioteca respectando as instalacións. En caso de poder asistir ás materias xa aprobadas en cursos anteriores, debe permanecer nas aulas correspondentes a non ser que haxa profesorado na biblioteca que o poida vixiar e sempre que non queira subir nota nesas materias.
Por outro lado, o alumnado de ESO que teña convalidada a materia de Música ou estea exento de 2ª Lingua Francés deberá
acudir á aula de referencia realizando as tarefas académicas da materia, ou mesmo doutra sempre que o profesorado destas disciplinas así o permita. Así mesmo, poderá faltar a estas aulas baixo un permiso asinado polos pais/nais/titores asistindo á biblioteca, con compromiso de respecto ás instalacións sempre que non haxa profesorado a esa hora na biblioteca para vixialo. Tamén pode non asistir ao centro sempre baixo o permiso dos pais/nais/titores que acepten as condicións descritas nestas NOF asinando un documento no que asuman a súa responsabilidade ou tutela a esas horas.
7.- NORMAS DISCIPLINARIAS
A Lei 4/2011, do 30 de xuño, (DOG 15/07/2011) clasifica as condutas contrarias á convivencia nos centros docentes en:
Condutas leves contrarias á convivencia.
Condutas gravemente prexudiciais para a convivencia.
O artigo 18 desta lei trata sobre os “Principios xerais das medidas correctoras”, nel regulase que as correccións terán un carácter educativo e recuperador e nas corrección de condutas contrarias á convivencia figuran como principios clave que ningún alumno/a poderá ser privado do seu dereito á educación e na ESO do seu dereito á escolaridade, “non se poderán impoñer correccións contrarias á integridade física e á dignidade persoal do alumnado”, “a imposición de correccións previstas respectará a proporcionalidade coa conduta do alumnado e deberá contribuír á mellora do seu proceso educativo”. Ademais, “terase en conta a
idade do alumnado e as demais circunstancias persoais, familiares e sociais.”
No artigo 23 da citada lei trátanse os criterios que deben tomarse en consideración para a “Graduación das medidas correctoras”:
a/ O recoñecemento espontáneo do carácter incorrecto da conduta e o cumprimento igualmente espontáneo da obriga de reparar os danos producidos.
b/ A existencia de intencionalidade ou reiteración de condutas.
c/ A difusión por calquera medio, incluídos os electrónicos, telemáticos ou tecnolóxicos, da conduta, das súas imaxes ou da ofensa.
d/ A natureza dos prexuízos causados.
e/ O carácter especialmente vulnerable da vítima da conduta.
Consideraranse circunstancias paliativas o recoñecemento espontáneo da conduta incorrecta e a falta de intencionalidade. Por outra parte, son circunstancias agravantes a premeditación e a reiteración, causar dano, a inxuria ou a ofensa aos compañeiros e compañeiras de menos idade ou ao alumnado que acaba de incorporarse ao centro.
Ademais puntualizamos algunhas das condutas contrarias ás normas de convivencia e describimos un procedemento ou un protocolo para as sancións das condutas contrarias á convivencia. Coa finalidade de graduar e conseguirmos unha maior ponderación nas correccións dos comportamentos incorrectos por parte do alumnado distribuirase entre o profesorado unha folla modelo no que anotar as correccións ou amoestacións pertinentes.
Cando o alumnado incorra nalgunha das faltas consideradas nas NOF seguirase un protocolo común para actuarmos todos de xeito uniforme e proporcional á falta considerada.
7.1.- CONDUTAS LEVES CONTRARIAS Á CONVIVENCIA
CONSIDÉRANSE CONDUTAS LEVES CONTRARIAS Á CONVIVENCIA :
Como anos anteriores, catalóganse como condutas leves contrarias á convivencia as seguintes:
1- Accións, actitudes, xestos ou palabras que alteren levemente o desenvolvemento das clases.
2- Non traer material necesario.
3- Usar teléfono móbil ou outros aparellos electrónicos que interfiran o transcurso da clase ou dunha actividade extraescolar ou complementaria agás nos recreos.
4- Comer ou beber nas aulas ou corredores do centro. Tirar obxectos ao chan en todo o recinto escolar.
5- Actitudes displicentes ou facer caso omiso das indicacións do profesorado ou do persoal non docente.
6- Atrasarse na entrada das clases ou faltar a estas de xeito inxustificado.
7- Non facer chegar á nai, pais ou titores/as legais calquera comunicado procedente do profesorado ou da dirección.
8- Deteriorar de xeito leve as instalación do centro.
9- Amosar actitudes fóra de lugar nas aulas ou estar fóra da aula sen permiso.
10- Saír fóra do centro sen permiso ou calquera acción que afecte de maneira leve ao desenvolvemento normal da actividade
Estes comportamentos precisan das pertinentes correccións. Seguindo a folla entregada ao profesorado, inicialmente farase unha corrección verbal da cal debe quedar constancia documental; na xefatura de estudos estará aberta unha base de datos con todas estas incidencias. Na segunda corrección verbal ou por escrito da mesma persoa, a familia ou os/as titores/as legais serán informados desa actitude incorrecta.
A terceira corrección contabilizarase como unha amoestación, neste caso o profesorado indicará, en caso de sabelo, as correccións anteriores e o/a titor/a emitirá un breve informe que se entregará na xefatura de estudos. As condutas serán corrixidas segundo figura nas NOF, con especial atención aos traballos sociais á comunidade educativa, como son traballos durante un recreo. Coa segunda amoestación prolongaranse durante unha semana os traballos sociais. Cando o/a alumno/a incorra nunha terceira amoestación corrixirase esa situación segundo as alíneas g ou h do seguinte parágrafo.
As condutas contrarias ás normas do centro poderán ser corrixidas con:
a. Amoestación privada ou por escrito.
b. Comparecencia inmediata ante a xefatura de estudos ou, en ausencia deste, ante o profesorado de garda.
c. Realización de traballos específicos en horario lectivo.
d. Realización de tarefas que contribúan á mellora e desenvolvemento das actividades do centro ou, se procede, dirixidas a reparar o dano causado ás
instalacións ou ao material do centro ou ás pertenzas doutros membros da comunidade educativa, sempre que os danos sexan leves e non fosen feitos con premeditación, con intencionalidade nin con reincidencia.
e. Suspensión do dereito a participar nas actividades extraescolares ou complementarias do centro por un período de até dúas semanas.
f. Cambio de grupo do/a alumno/a por un prazo máximo dunha semana.
g. Suspensión do dereito de asistencia a determinadas clases por un período máximo de tres días. Durante o tempo que dure a suspensión o alumnado deberá realizar deberes ou traballos que se determinen para evitar a interrupción do proceso formativo.
h. Suspensión do dereito de asistencia ao centro por un prazo máximo de tres días lectivos. Durante o tempo que dure a suspensión o alumnado deberá realizar deberes ou traballos que se determinen para evitar a interrupción do proceso formativo.
A gradación das sancións leves articúlase do seguinte xeito:
GRADACIÓN DAS SANCIÓNS LEVES
1ª infracción 2ª infracción 3ª infracción 4ª infracción 5ª infracción 6ª infracción
FALTA LEVE apercibimento verbal pola xefatura de estudos -aviso á nai ou pai- Aula de convivencia 1-2 días -aviso á nai ou pai- Aula de convivencia 3 días 1 ou 2 días de expulsión Perda do dereito de act. extr. 15 días 3 días de expulsión Perda do dereito de act. extr. 3 meses Expediente Perda do dereito de act. extr. no curso FALTA GRAVE aviso á nai ou pai / medida correctora de acordo coa incorrección expediente * APARELLO ELECTRÓNICO ACENDIDO o alumnado debe vir buscalo ao final do día o/a pai/nai debe vir buscalo requisado ata final de trimestre requisado ata final de curso
Segundo o artigo 26 da Lei 4/2011, as medidas correctoras de condutas leves contrarias á convivencia levaraas a cabo:
a) O profesorado do alumno/a, oído este/a e dando conta á xefatura de estudos.
b) O/a titor/a do alumno/a, oído este/a e dando conta á xefatura de estudos .
c) O/a xefe/a de estudos, oído o alumno/a e o/a titor/a.
d) O/a director/a, oídos a alumna ou alumno, profesorado e titora ou titor, no caso das medidas previstas nas alíneas g/ e h/ do artigo 22 desta lei.
A imposición destas medidas correctoras comunicaranse á nai, pai ou titor ou titora do alumnado antes de facerse efectivas, ademais farase o mesmo co observatorio de convivencia escolar do centro.
Por outra parte, as condutas leves contrarias ás normas de convivencia no centro prescribirán no prazo dun mes, contado a partir da súa data de comisión. As correccións impostas como consecuencia destas condutas prescribirán aos catro meses da súa imposición.
As resolucións que impoñen as medidas correctoras ás que se refire este artigo poñen fin á vía administrativa e son inmediatamente executivas.
7.2.- CONDUTAS GRAVEMENTE PREXUDICIAIS PARA A CONVIVENCIA
CONSIDÉRANSE CONDUTAS GRAVEMENTE CONTRARIAS Á CONVIVENCIA :
a) As agresións físicas ou psíquicas, as inxurias e as ofensas graves, as ameazas e as coaccións contra os demais membros da comunidade educativa.
b) Os actos de discriminación grave contra os membros da comunidade educativa.
c) Os actos individuais ou colectivos de desafío á autoridade do profesorado e ao persoal de administración e de servizos que constitúan unha indisciplina grave.
d) A gravación, a manipulación e a difusión por calquera medio de imaxes ou informacións que atenten contra o dereito á honra, a dignidade, a intimidade persoal ou familiar e a propia imaxe dos demais membros da comunidade escolar.
e) Actuacións que constitúan acoso escolar.
f) A suplantación de personalidade en actos da vida docente e a falsificación, alteración ou subtracción de documentos académicos. g) Danos graves causados de forma intencionada ou por neglixencia grave ás instalacións e aos materiais dos centros docentes. Asemade terán a mesma consideración as subtraccións ou roubos no ámbito da actividade escolar.
h) Os actos inxustificados que perturben gravemente o normal desenvolvemento das actividades do centro, incluídas as de carácter complementario ou extraescolar.
i) As actuacións gravemente prexudiciais para saúde e integridade persoal dos membros da comunidade educativa ou a incitación a elas.
k) Portar calquera obxecto, substancia ou produto gravemente perigoso para a saúde ou a integridade persoal de calquera membro da comunidade educativa. Reputarase indisciplina grave a resistencia ou a negativa a entregar os obxectos.
l) A reiteración nun mesmo curso escolar de condutas leves contrarias á convivencia.
ll) Incumprimento das sancións impostas.
Estas condutas poden ser corrixidas coas seguintes medidas:
a) Realización de tarefas que contribúan á mellora e desenvolvemento das actividades do centro ou, se procede, dirixidas a reparar o dano causado nas instalacións ou no material do centro ou ás pertenzas doutros membros da comunidade educativa.
b) Suspensión do dereito de asistencia a participar nas actividades extraescolares ou complementarias do centro por un período de entre dúas semanas e un mes.
c) Cambio de grupo.
d) Suspensión do dereito de asistencia a determinadas clases por un período de entre catro días lectivos e dúas semanas. Durante o tempo que dura a suspensión, o alumnado realizará os deberes ou traballos que se determinen para evitar a interrupción do proceso formativo.
e) Suspensión do dereito de asistencia ao centro durante un período de entre catro días e un mes. Durante o tempo que
traballos que se determinen para evitar a interrupción do proceso formativo.
f) Cambio de centro.
A medidas correctoras de condutas gravemente prexudiciais para a convivencia só se poden impoñer logo da tramitación do procedemento disciplinario regulado no artigo 25 da Lei 4/2011:
-Corresponde acordar a incoación do procedemento ao/á director/a, por propia iniciativa, por iniciativa do profesorado, da titora ou titor do alumnado ou da xefatura de estudos, despois da denuncia doutros membros da comunidade educativa.
-A incoación do procedemento notificarase á nai, pai ou titor/a, mesmo ao alumnado se fose maior de idade. Debe especificar a indicación da conduta que o motiva, as correccións que poden corresponder e o nome profesor/a que será instrutor/a. Así mesmo comunicarase á inspección educativa.
-En calquera momento da tramitación o/a director/a pode adoptar por iniciativa propia ou da instrutora ou instrutor medidas provisionais como o cambio temporal de grupo ou a suspensión do dereito de asistencia ao centro a determinadas clases ou actividades por un período non superior a cinco días lectivos. Esta medida debe ser notificada ás nais e/ou pais.
-Finalizada a instrución a persoa instrutora formulará unha proposta de resolución e convocará unha comparecencia cos interesados en horario lectivo na que poderán acceder a todo o actuado e levantarase acta desta sesión.
-Realizado o trámite de audiencia a persoa encargada da dirección do centro ditará resolución motivada e, se o caso, a corrección ou a obriga de reparar os danos.
-Notificarase á nai, pai, titora, titor do alumno/a a resolución nun prazo máximo de doce días lectivos desde que se tivo coñecemento dos feitos de deron lugar a incoación do procedemento e comunicarase á inspección.
- A resolución pon fin á vía administrativa e será inmediatamente executiva. Contra a resolución do/a director/a cabe instar a revisión perante o consello escolar no prazo de dez días lectivos nos termos previstos na alínea f) do artigo 127 da Lei orgánica 2/2006, do 3 de maio, de educación.
As condutas gravemente prexudiciais para a convivencia no centro prescribirán no prazo de catro meses, contados a partir da data da súa comisión, salvo cando se trate dunha conduta continuada, daquela o prazo de prescrición non se computará mentres non cese a conduta.
Nas condutas gravemente prexudiciais para a convivencia interromperá a prescrición cando se inicie, con coñecemento da persoa interesada, o procedemento para corrección da conduta. Continuarase o cómputo do prazo de prescrición para o caso de producirse a caducidade do procedemento.
As medidas correctoras das condutas gravemente prexudiciais para a convivencia nos centros docentes prescriben ao ano da firmeza en vía administrativa da resolución que as impón.
ANEXO
TIPIFICACIÓN DE CORRECCIÓNS POR INFRACCIÓNS LEVES
Cacheiras, 29 de outubro de 2014. 1
Accións, xestos ou palabras que alteren levemente a impartición da
clase
CUBRIR FICHA DE REFLEXIÓN DURANTE OS DOUS RECREOS DUN DÍA
2 Non traer o material necesario á aula DURANTE OS DOUS RECREOS DUN DÍA FACER DEBERES DESA MATERIA
3 Usar calquera aparello electrónico acendido no recinto escolar
O ALUMNO RECÓLLEO A FINAL DO DÍA A PRIMEIRA VEZ. A SEGUNDA VEZ O PAI/NAI DEBE VIR BUSCAR O APARELLO
REQUISADO AO CENTRO. A TERCEIRA VEZ, A FINAL DE TRIMESTRE. A CUARTA
VEZ, A FINAL DE CURSO
4
Comer ou beber nas aulas ou corredores do centro ou ensuciar
adrede o chan
RECOLLER PAPEIS POLAS AULAS OU LIMPAR O XARDÍN DE ENVOLTORIOS
DURANTE OS DOUS RECREOS DUN DÍA
5 Facer caso omiso das indicacións do profesorado ou persoal non docente
CUBRIR FICHA DE REFLEXIÓN E DE COMPROMISO DURANTE OS DOUS
RECREOS DUN DÍA
6 Faltar ás clases ou atrasarse na entrada a estas inxustificadamente
FACER DEBERES DESA MATERIA DURANTE OS DOUS RECREOS DUN DÍA
7
Non facer chegar á nai/pai/titor/a calquera comunicado do persoal do
centro
CUBRIR FICHA DE REFLEXIÓN E DE COMPROMISO DURANTE OS DOUS
RECREOS DUN DÍA
8 Deteriorar levemente as instalacións ou materiais do centro
REPARAR OS DANOS SE É POSIBLE OU LIMPAR MESAS NAS AULAS
9 Amosar actitudes fóra de lugar na aula
AXUDAR NAS GARDAS DURANTE OS DOUS RECREOS DUN DÍA
10
Saír o alumnado do centro sen permiso ou alterar as actividades
educativas
PERDA DE ASISTENCIA Á ACTIVIDADES EXTRAESCOLARES / COMPLEMENTARIAS
